बालाजी सुरवसे 
Maratha Samaj Aggressive in Dharashiv:

मराठा आरक्षणासाठी मराठा समाजाच्यावतीने आज महाराष्ट्र बंदची हाक दिली आहे. यामुळे अनेक ठिकाणी आंदोलन होत असून (Dharashiv News) धाराशिवमध्ये देखील समाज आक्रमक झाला असून कळंब शहराजवळील कळंब- केज रस्त्यावर आंदोलकांनी टायर पेटवून (Rasta Roko) रास्ता रोको आंदोलन केले. (Latest Marathi News)

मराठा समाजाला कुणबी प्रमाणपत्र व सगेसोयरेचा कायदा लागू करावा; यासाठी (Manoj Jarange Patil) मनोज जरांगे पाटील हे पुन्हा उपोषणाला बसले आहेत. जरांगे पाटील यांना पाठींबा दर्शविण्यासाठी सकल मराठा समाजाच्यावतीने (Maratha Aarkshan) आज महाराष्ट्र बंदची हाक दिली आहे. याचा पार्श्वभूमीवर कळंब- केज रस्त्यावरील मांजरा पुलावर मराठा समाजाकडून रास्ता रोको आंदोलन करण्यात आले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जोरदार घोषणाबाजी 

मनोज जरांगे पाटील यांच्या समर्थनार्थ समाजाच्यावतीने आंदोलन करण्यात येत आहे. येथे समाजाने रास्ता रोको आंदोलन सुरु केले असून रस्त्यावर टायर पेटवुन मराठा समाजाची जोरदार घोषणाबाजी केली. तर या आंदोलनामुळे कळंब- केज मार्गावरील वाहतुक बंद झाल्याने वाहनांच्या रांगा लागल्या आहेत. येथे पोलीस देखील उपस्थित झाले आहेत.