बालाजी सुरवसे 

धाराशिव : पोलीस ठाण्यात जप्त केलेले गुन्ह्यातील ट्रॅक्टर सोडविण्यासाठी पोलीस हवालदारांनी पैशांची मागणी केली. यानुसार तक्रारदाराकडून १५ हजार रुपयांची लाच घेताना पोलीस हवालदारासह दोघांना लाचलुचपत प्रतिबंधक विभागाच्या पथकाने रंगेहात पकडले. 

येरमाळा पोलीस ठाण्यातील पोलीस हवालदार प्रकाश चाफेकर व उपविभागीय पोलीस अधिकारी कार्यालयातील चालक महेश सांगळे या दोघांना अटक करण्यात आली आहे. तक्रारदार यांच्या पत्नीच्या नावे असलेला ट्रॅक्टर येरमाळा (Police) पोलिस ठाण्यात दाखल गुन्ह्यामध्ये जप्त करण्यात आला होता. हा ट्रॅक्टर सोडविण्यासाठी पोलिसांनी तक्रारदाराकडे पैशांची मागणी केली. 

पोलिसांनी मागणी केलेल्या पैशांची रक्कम देण्यास तक्रारदाराला मान्य नव्हते. याबाबत एसीबीकडे (ACB) तक्रार दिली होती. या तक्रारीची तपासणी करून एसीबीने सापळा रचला. त्यानुसार तक्रारदाराकडून १५ हजार रुपयांची (Bribe) लाच स्विकारताना लाचलुचपत प्रतिबंधक विभागाच्या पथकाने रंगेहात पकडले असुन तुळजापूर पोलिसात गुन्हा दाखल दाखल करण्यात आल आहे.