Dharashiv News : धाराशिव जिल्ह्यात दगावलेल्या वानराची अंत्ययात्रा काढत पारगावकरांनी त्याच्यावर अंत्यसंस्कार केले. एकाने वानरास काठीने मारल्याने त्याचा मृत्यू झाला हाेता. या प्रकरणी संशयिताची न्यायालयीन कोठडीत रवानगी करण्यात आली आहे. (Maharashtra News)

धाराशिव जिल्ह्यातील पारगाव येथे गावातील बसस्थानक परिसरात बसरेल्या एका वानराच्या डोक्यात दारुच्या नशेत असलेल्या एका व्यक्तीने काठी मारल्याने वानराचा मृत्यू झाला होता. गावकरी जमा होताच वानराला मारणाऱ्या माथेफिरूने तिथुन पलायन केले होते.

गावकऱ्यांनी आपली दुकाने बंद करत वाजत गाजत या वानराची अंत्ययात्रा काढुन अंत्यसंस्कार केले. दरम्यान निर्दयीपणे वानराचा जिव घेतल्याप्रकरणी दिलीप डोके यास वनविभागाच्या पथकाने ताब्यात घेतले.

त्यास भुम येथील न्यायालयासमोर (court) हजर केले असता त्याची न्यायालयीन कोठडीत रवानगी करण्यात आली आहे. संबंधितावर कठोर कारवाई करावी अशी मागणी ग्रामस्थांनी (villagers) केली आहे.

Edited By : Siddharth Latkar