Gram Panchayat Election : भाजप नेत्या पंकजा मुंडे यांना भाऊ धनंजय मुंडेंनी राजकीय क्षेत्रात पुन्हा एकदा माेठा धक्का दिला. गोपीनाथ गड असलेली पांगरी ग्रामपंचायत पुन्हा एकदा धनंजय मुंडे यांच्या ताब्यात आली आहे. (Maharashtra News)

ग्रामपंचायतीचा सरपंच आणि अकरा सदस्यांपैकी दहा सदस्यांची बिनविरोध निवड झाली आहे. ग्रामपंचायत (grampanchayat) बिनविरोध काढत धनंजय मुंडे यांनी पांगरी ग्रामपंचायतवर पुन्हा एकदा राष्ट्रवादीचा झेंडा रोवला आहे. सुशील वाल्मीक कराड असं बिनविरोध झालेल्या सरपंचाचे नाव आहे.

विशेष म्हणजे पांगरी ग्रामपंचायत अंतर्गत वैद्यनाथ सहकारी साखर कारखाना आणि स्वर्गीय लोकनेते गोपीनाथ मुंडे (gopintah munde) यांचे स्मृतीस्थळ गोपीनाथ गड आहे. त्यामुळे पुन्हा एकदा धनंजय मुंडे यांनी पंकजा मुंडे यांना धोबीपछाड केली आहे. दरम्यान ग्रामपंचायत निवडणुकी अगोदरच गुलाल लागल्याने परळी मधील 80 ग्रामपंचायत निवडणुकीत (election) धनंजय मुंडे वरचढ ठरण्याची शक्यता वर्तवली जात आहे. (Tajya Batmya)

Edited By : Siddharth Latkar