लातूर - जमीन आणि बँकेच्या वाद प्रकरणात जमीन मालकाकडून १५ हजारांची लाच मागणाऱ्या लातूर (Latur) जिल्ह्यातील चाकूर येथील तहसील कार्यालयातील नायब तहसीलदारास लाचलुचपत प्रतिबंधक विभागाच्या ( Anti Corruption Bureau) पथकाने रंगेहाथ पकडले. (Deputy Tehsildar Caught red handed while accepting bribe)

हे देखील पहा -

तक्रारदार यांच्या जमिनीवर आई आणि बहिणीचे हिस्से वाटणी असून, सदर जमिनीवर पूर्वीचे बँकेचे कर्ज आहे. सदर जमिनीवर बँकेचा बोजा असल्यामुळे या जमिनीच्या फेरफारास बँकेमार्फत लेखी अर्ज करून आक्षेप नोंदविण्यात आला होता. सदर आक्षेप अर्जाच्या अनुषंगाने तक्रारदाराच्या बाजूने निकाल देऊन जमिनीच्या व्यवहारात मदत करण्यासाठी येथील नायब तहसीलदार शेषेराव शिवराम टिपरसे यांनी १५ हजार रुपयांची लाच (bribe) मागितली असता सदर तक्रारदाराने २७ डिसेंबर रोजी एसीबीकडे तक्रार नोंदविली. दरम्यान, एसीबीने सापळा रचून टिपरसे यांना १५ हजारांची लाच स्वीकारताना पंचा समक्ष रंगेहाथ पकडले.

Edited By - Shivani Tichkule