- रणजीत माजगावकर

हातकणंगले तालुक्यातील आळते गावात डेंगूच्या रुग्णांमध्ये दिवसेंदिवस वाढ हाेत असल्याचे चित्र आहे. सध्या गावात 100 पेक्षा अधिक डेंगू सदृश्य रुग्ण असल्याची प्राथमिक माहिती उपलब्ध झाली आहे. या रुग्णांवर ग्रामीण रुग्णालयात उपचार सुरु आहेत.

हातकणंगले तालुक्यातील आळते गावात गेल्या काही महिन्यापासून डासांचा प्रादुर्भाव वाढल्याचे गावक-यांनी सांगितले. ग्रामपंचायतीचे सरपंच यांनी गावाच्या स्वच्छतेकडे लक्ष देणे आवश्यक हाेते परंतु तसे झाले नसल्याचा आराेप हाेऊ लागला आहे.

गावात डेंगूच्या रुग्णांमध्ये वाढ झाली तरी जिल्हा आरोग्य विभागाने म्हणावे तेवढे लक्ष दिले नाही. सध्या आळतेसह मिरज शासकीय रुग्णालय आणि इचलकरंजीतल्या आयजीएम रुग्णालयात डेंगू सदृश्य रुग्ण (ग्रामस्थ) उपचार घेत आहेत.

ग्रामपंचायत सदस्य जावेद मुजावर म्हणाले सध्या गावामध्ये भीतीचे वातावरण पसरले आहे. आराेग्य विभाग आणि ग्रामपंचायत यांच्यामध्ये समन्वय नसल्याने डेंगू सदृश्य रुग्ण वाढू लागले आहेत. प्रशासनाने तातडीने उपाययाेजना कराव्यात अशी मागणी मुजावर यांनी केली.

Edited By : Siddharth Latkar