Shyam Manav: गेल्या काही दिवसांपासून बागेश्वर बाबा उर्फ धिरेंद्र महाराज आणि अंधश्रद्धा निर्मुलन समितीचे संस्थापक, संघटक आणि प्राध्यापक श्याम मानव यांच्यातील सुरू असलेला वाद चांगलाच चर्चेत आहे. धीरेंद्र कृष्ण महाराज नागपुरात असतानाच अंनिसने त्यांना दिव्य शक्ती सिद्ध करा आणि तीस लाख रुपये मिळवा असे आव्हान दिले होते. 

यानंतर आता श्याम मानव यांच्याबाबत एक मोठी बातमी सध्या समोर येत असून श्याम मानव यांना धमकीचे फोन आल्याची बातमी समोर आली आहे. (Latest Marathi Update)

मिळालेल्या माहितीनुसार, श्याम मानव यांच्या मुलाच्या मोबाईलवर धमकीचे एसएमएस आल्याची माहिती समोर आली आहे. यामध्ये श्याम मानव यांचा नरेंद्र दाभोळकर करु अशी धमकी देण्यात आली आहे.

धीरेंद्र महाराजांच्या भक्तांकडून ही धमकी देण्यात आल्याचा आरोप अ. भा. अंधश्रद्धा निर्मूलन समितीचे महासचिव हरिष देशमुख यांंनी केला आहे. याबाबत श्याम मानव यांनी पोलिसात तक्रार दाखल केली आहे. (Police)

काय आहे धीरेंद्र महाराज आणि श्याम मानव यांचा वादः

काही दिवसांपूर्वी नागपुरात धीरेंद्र कृष्ण महाराज यांची राम कथा आणि दिव्य दरबार झाले होते. या दिव्य दरबारच्या माध्यमातून धीरेंद्र कृष्ण महाराज अंधश्रद्धा पसरवतात असा अंनिसने आरोप केला होता. धीरेंद्र कृष्ण महाराज नागपुरात असतानाच अंनिसने त्यांना दिव्य शक्ती सिद्ध करा आणि तीस लाख रुपये मिळवा असे आव्हान दिले होते. ज्यानंतर त्यांच्यामध्ये हा वाद सुरू झाला होता.