तुम्ही रेशन दुकानातील धान्य घेत आहात? तर सावधान. सोलापूरातील बातमी वाचून तुम्हालाही धक्का बसेल. रेशनच्या तांदळात चक्क मेलेला साप आढळून आलाय. मोदी परिसरात हा धक्कादायक प्रकार घडलाय. यामुळे रेशन दुकानातील धान्यच्या गुणवत्ते बाबतचा प्रश्न पु्न्हा एकदा ऐरणीवर आलाय.

याबाबत मिळालेल्या माहितीनुसार,मोदी परिसरात राहणाऱ्या भंडारे कुटुंबाने रेशन दुकानातून तांदूळ आणले होते. त्या तांदळात मेलेला साप आढळून आल्याने खळबळ माजीलय. अशा निकृष्टपद्धतीच्या धान्यावरून नागरिकांनी संताप व्यक्त केलाय. मोदी परिसरातील राम भंडारे या रेशधारक व्यक्तीने रेशनचे धान्य घरी आणले होते. यानंतर चार दिवस भंडारे कुटुंबाने हे तांदूळ शिजवून खाल्ल्याची माहिती आहे. भंडारे कुटुंबियांना आरोग्य तपासणीसाठी रुग्णालयात पाठवण्यात आले आहे. दरम्यान तांदळाच्या गोणीत मेलेला साप आढळल्याने परिसरातील नागरिकांनी संताप व्यक्त केलाय. पण तांदळाच्या गोणीत मेलेला साप आढळल्याने त्यांनी संताप व्यक्त केलाय.

दरम्यान ही बाब भंडारे कुटु्ंबाने उघड केल्यानंतर अन्न पुरवठा विभागाच्या अधिकाऱ्यांनी घटनास्थळी भेट दिली. अधिकाऱ्यांनी तांदूळ जप्त केलाय. त्यांनी घटनेबाबत पंचनामा केल्यानंतर तांदूळ फॉरेन्सिकसाठी पाठवलाय. याबाबतचा अहवाल आल्यावर संबंधितांवर कारवाई केली जाणार असल्याचं अधिकाऱ्यांनी सांगितले.

अन्न पुरवठा विभागाचे अधिकारी जेव्हा पंचनामा करण्यासाठी गेले तेव्हा तेथे नागरिकांना तक्रारींचा पाढा वाचला. रेशन दुकानातून येणाऱ्या धान्यांची गुणवत्ता चांगली नाहीये. तुकडे तांदूळ ग्राहकांना दिला जात आहे. इतक्या निकृष्ट प्रतीचे तांदूळ देऊ ग्राहकांचा जीव घेऊ नका असं बोलत एका महिलेनी प्रशासनाच्या कामावर नाराजी व्यक्त केली.

पुरवठा विभागातील परिमंडळ अधिकारी प्रफुल्ल नाईक म्हणाले की, आम्हाला फोनद्वारे तक्रार मिळाली होती. भंडारे यांनी आणलेल्या तांदळात मेलेला साप आढळल्याची तक्रार आली होती. त्यानंतर आम्ही तांदळाची स्वच्छता कशी आहे, गुणवत्ता कशी याचा तपास करण्यासाठी तांदूळ ताब्यात घेण्यात आलाय. तसेच कार्डधारक भंडारे यांचा जबाब घेतल्यानंतर संबंधित रेशन दुकानदारावर करवाई केली जाईल.

दुकानातून तांदूळ घेतलं होतं ती गोणी पॅक होती. जेव्हा तांदूळ गोण्याच्या तळाशी गेले त्यावेळी त्यांना त्यात मेलेला साप दिसला. दरम्यान भंडारे कुटुंबियांनी गोणीतील तांदूळ खाल्ला असल्यानं त्यांना रुग्णालयात दाखल करण्यात आले आहे.