अकोला : कोरोना विषाणूचा (Coronavirus) नवा व्हेरिएंट 'ओमायक्रॉनचा (Omicron) पहिलारुग्ण राज्यात आढळल्याने राज्यभरातील आरोग्य विभाग आणि प्रशासन अलर्ट झाले आहे. अकोला जिल्हाधिकारी निमा अरोरा यांनी जिल्ह्यात जमाबंदीचे आदेश लागू केले आहेत. ओमायक्रॉन संसर्गाचा संभाव्य धोका टाळण्यासाठी प्रतिबंधात्मक उपाययोजनांचा भाग म्हणून जिल्ह्यात जिल्ह्यात आज मध्यरात्रीपासून जमावबंदी लागू करण्यात येत असल्याचा आदेश जिल्हाधिकारी निमा अरोरा यांनी दिला. कोरोना विषाणूचा नवा व्हेरिएंट ओमायक्रॉन आढळून आल्याने सर्वत्र भीतीचे वातावरण पसरले आहे.

त्यामुळे'ओमायक्रॉन संसर्गाचा जिल्ह्यात संभाव्य धोका वाढू नये, यासाठी प्रतिबंधात्मक उपाययोजना म्हणून फौजदारी प्रक्रिया संहिता ११७३ चे कलम १४४ अन्वये जिल्ह्यात ५ डिसेंबर रोजी मध्यरात्री १२ वाजतापासून पुढील आदेशापर्यंत शहरी व ग्रामीण भागात जमावबंदी लागू केला. जिल्ह्यातील जमावबंदीच्या कालावधीत रॅली, धरणे, आंदोलन, मोर्चा इत्यादींचे आयोजन करता येणार नाही. तसेच जमावबंदीच्या कालावधीत लसीकरणाचे काम नियमित सुरू राहणार असून, जमावबंदी आदेशाचे उल्लंघन करणाऱ्यांवर कायदेशीर कारवाई करण्यात येणार आहे.

Edited By: Pravin Dhamale