ठाणे - पोटच्या मुलाच्या अंत्यविधीसाठी घेतलेल्या उसने पैशाची परतफेड करण्यासाठी एका आदिवासी मजुरावर वेठबिगार करण्याची वेळ आली होती. एवढेच नव्हे तर वेठबिगारी करताना मालकाच्या छळाला कंटाळून अखेर या मजुराने आत्महत्या Suicide केल्याची धक्कादाक घटना उघडकीस आली आहे. जुलै महिन्यात घडलेली ही घटना नुकताची उजेडात आली आहे. मालका विरोधात मोखाडा पोलीस Police ठाण्यात वेठबिगर पद्धत अधिनियम 1976 नुसार गुन्हा नोंदवण्यात आला आहे.

ही घटना पालघर जिल्ह्यातील मोखाडा तालुक्यातील अतिदुर्गम भागातील मोखाडा गावातील आहे. काळू पवार वय वर्ष 48 असे या आत्महत्या केलेल्या मजुराचे नाव आहे. काळू पवार आपल्या पत्नी आणि दोन मुलींसह शेतमजुरी करून उदरनिर्वाह करत होता. गेल्यावर्षी दिवाळी पूर्वी काळूच्या मुलाचा मृतदेह खोल दरीत आढूळ आला होता. त्यावेळी काळू पवारने मुलाच्या कफनसाठी पैसे नसल्याने गावातील रामदास कोरडे या मालकाकडून ५०० रुपये उसने घेतले.

या उसनवार घेतलेल्या ५०० रुपयांची परतफेड करण्यासाठी काळू मजूर म्हणून काम करत आसे. मालकाकडून काळूची पिळवणूक होत असल्याचा आरोप काळूच्या पत्नीने केला आहे. दरम्यान, या प्रकरणी मोखाडा पोलीस ठाण्यात गुन्हा दाखल करण्यात आला आहे.

Edited By - Shivani Tichkule