- विनायक वंजारे

Sindhudurg News : सिंधुदुर्ग जिल्ह्यातील रेडी आरोंदा रस्त्यावर रात्री काही प्रवाशांना मगरीचे दर्शन झालं. ही मगर रस्त्याच्या कडेला सापाची शिकार करताना दिसली. त्याचा व्हिडीओ प्रवाशांनी त्यांच्या माेबाईलमध्ये (mobile) काढला. (sindhudurg latest marathi news)

सिंधुदुर्ग जिल्ह्यातील तेरेखोल नदीतील मगर चक्क रस्त्यावर येत काही काळ रस्त्यावर ठाण मांडून होती. ही मगर सुमारे पाच ते सहा फुटांची हाेती. तेरेखोल नदीतून मगर रस्त्यावर फिरू लागल्याने वाहनचालकांना जीव मुठीत धरून या रस्त्यावरून प्रवास करावा लागत आहे.

या रस्त्यावरून प्रवास करणाऱ्या वाहन चालकाने मगरीचा रस्त्यावर फिरणारा व्हिडीओ आपल्या मोबाईल कॅमेरात कैद केला आहे. मगर चक्क रस्त्यावर येऊन शिकार करताना या व्हिडिओ मधून दिसत आहे. रस्त्यावर मगर दिसू लागल्यामुळे नागरिक तसेच वाहनचालकांमध्ये भीतीचं वातावरण आहे, मगरी अशा प्रकारे रस्त्यावर, शेतात फिरू लागल्याने वनविभागाने मगरीचा बंदोबस्त करावा अशी मागणी होऊ लागली आहे. (Breaking Marathi News)

कराड तालुक्यातही मगरीची भीती

कराड तालुक्यातील टेंभू गावात कृष्णा नदीच्या पात्रात मगरीचा वावर आहे. मगर अनेकदा नदी काठावर येऊन बसत असल्याचे आढळून येत आहे. परिसरातील शेतकऱ्यांना शेतीच्या कामासाठी या परिसरात जावं लागत असल्याने भीतीचे वातावरण आहे. मगरीचा बंदोबस्त करावा अशी मागणी होत आहे. (Maharashtra News)

Edited By : Siddharth Latkar