अजय सोनावणे

नाशिक : नाशिकमधून एक धक्कादायक बातमी समोर आली आहे. दोन मुलांनी आणि पत्नीने मिळून आपल्या पतीची हत्या केल्याचा प्रकार उघडकीस आला आहे. नाशिकच्या चांदवड तालूक्यातील कुंदलगाव शिवारातील वराडी येथे ही घटना घडली आहे. पूनमचंद शिवाजी पवार असं मृत व्यक्तीचं नाव आहे.

मिळालेल्या माहितीनुसार, घरातील किरकोळ वादातून पती,पत्नी व दोन मुलांमध्ये भांडण झाले होते. या भांडणात पत्नी व दोन्ही मुलांनी लाठ्याकाठ्यांनी पूनमचंद यांना बेदम मारहाण केली. या मारहाणीत ते गंभीर जखमी झाले होते. त्यानंतर त्यांना रुग्णालयात उपचारासाठी दाखल केले होते. मात्र उपचारादरम्यान त्यांचा मृत्यू झाला. (Latest Marthi News)

घडलेल्या प्रकराची माहिती मिळताच चांदवड पोलिसांनी घटनास्थळी धाव घेतली. या प्रकरणी पूनमंचद याची पत्नी सुनिता पवार, मुलगा कृष्णा व भूषण पवार पोलिसांनी ताब्यात घेतलं असून अधिक तपास सुरु आहे.