सांगली : सांगलीच्या शिराळा तालुक्यातील कापरी येथील कडवेकर मळा दत्तनगर येथे नागाला खेळवल्या प्रकरणी ४६ वर्षीय इसमावर वनविभागाने गुन्हा दाखल केला आहे. तर, नागास वन विभागाने नैसर्गिकआदिवासात सोडले आहे.

हे देखील पहा -

सांगली वनविभाग अंतर्गत शिराळा वनपरिक्षेत्रातील शिराळा येथील नागपंचमीच्या पार्श्वभूमीवर न्यायालयाच्या आदेशानुसार पोलीस आणि वनविभाग यांचा बंदोबस्त ठेवला होता. या बंदोबस्ता दरम्यान पथक फिरत असताना दत्तनगर कडवेकर मळा कापरी येथे इसमाला नाग हाताळत असताना ताब्यात घेतले.

त्याच्या विरोधात वन्यजीव संरक्षक नियमानुसार गुन्हा दाखल करण्यात आला आहे. त्याच्याकडून हस्तगत केलेला एक नाग जप्त करून त्यास नैसर्गिक आदिवासात मुक्त केले आहे. पुढील तपास उपवनसंरक्षक विजय माने यांच्या मार्गदर्शनाखाली सहाय्यक वनसंरक्षक विजय गोसावी हे करत आहेत.

Edited By : Krushnarav Sathe