परभणी latest news : विना मास्क येणा-या ग्राहकांना तसेच लसीकरण न झालेल्यांना पेट्राेल (Petrol) दिल्याने जिल्हा पूरवठा शाखेने दाेन पेट्राेल पंप सील केले आहेत. या दाेन्ही पंपधारकांनी परभणी जिल्हाधिका-यांच्या आदेशाचा भंग केल्याने ही कारवाई केल्याची माहिती पूरवठा शाखेच्या पथकातील अधिका-यांनी दिली.

परभणी जिल्ह्यात लसीकरण झाले असेल तरच ग्राहकांना इंधन द्यावे असा आदेश नुकताच जिल्हाधिकारी आंचल गोयल anchal goyal यांनी काढला आहे. जिल्हाधिकाऱ्यांनी आदेश काढल्या नंतर पाथरी रस्त्यावरील नायरा एनर्जी लिमिटेड आणि भारत पेट्रोलियम लिमिटेड कंपनी या दाेन पंपावर जिल्हा प्रशासनाच्या पूरवठा विभागाने लक्ष ठेवले.

या दोन्ही पंपावर ग्राहकांनी काेराेना प्रतिबंधक लस घेतली की नाही याची खात्री केली जात नव्हती. तसेच मास्क न घातलेल्या नागरिकांना पेट्रोल डिझेलचा पूरवठा केला जात हाेता. याबराेबरच पेट्रोल पंपावर नोंदवही नसणे, ग्राहकांना निदर्शनास येईल असा काेविड नियमांचा फलक न लावणे या सर्व गाेष्टींची पडताळणी झाल्यानंतर पुरवठा विभागाच्या पथकाने दोन्ही पेट्रोल पंप सील केले.

edited by : siddharth latkar