Chandrapur News: चंद्रपूर जिल्ह्यात एक घर असं आहे, ज्याचं स्वयंपाक घर तेलंगणात, तर बैठक खोली महाराष्ट्रात. ऐकून नवल वाटलं ना?..पण हे शंभर टक्के खरं आहे. हे घर चंद्रपूर जिल्हातील जिवती तालुक्यात येणाऱ्या महाराजगुडा इथे आहे. दहा खोल्यांच्या या घरात पवार कुटुंबीय वास्तव्यास आहेत. (Latest Marathi News)

चंद्रपूरमधील (Chandrapur) जिवती तालुक्यातील १४ गावं सीमा वादात आहेत. या गावांवर महाराष्ट्र आणि तेलंगणा सरकार आपला अधिकार सांगतात. या गावात दोन्ही राज्यांच्या ग्रामपंचायती,शाळा, (School) कल्याणकारी योजना, अंगणवाडी आणि रुग्णालये आहेत. इतकेच नाही तर या ठिकाणचे नागरिक एकाच निवडणुकीत दोनदा मतदान देखील करतात.

महाराजगुडा हे गाव सीमावादात अडकलेल्या गावांपैकी एक आहे. या गावावर तेलंगणा सरकारने आपला हक्क सांगितला आहे. तेलंगणा राज्याची सीमा निश्चित केली जात आहे. यात सीम गावाच्या मधोमध आहे. त्यामुळे गावाची विभागणी दोन राज्यांमध्ये झाली आहे. तेलंगणा सरकारने राज्याची सीमा निश्चित केली आहे. ही सीमा गावाचा मध्यभागातून गेली आहे. त्यामुळं गाव दोन राज्यात विभागले गेले आहे. अर्ध गाव महाराष्ट्रात तर अर्ध गाव तेलंगणात आहे.

यामुळे फक्त गाव नाही तर एका घराचीही विभागणी झाली आहे. या घरात १० खोल्या आहेत. त्यापैकी काही खोल्या बैठकीच्या आणि किचनसाठी चार खोल्या आहेत. अशात यातील स्वयंपाक घराच्या खोल्या महाराष्ट्रात गेल्या आहेत. तर बैठक खोल्या तेलंगणात आहेत. त्यामुळे महाराष्ट्रात जेवण बनवायचे आणि तेलंगणामध्ये रहायचे अशी नवलाई पाहून सगळीकडे या घराती चर्चा सुरू आहे.

उत्तम देवसिंग पवार आणि चंदू देवसिंग पवार या दोन भावांचे हे घर आहे. यात दहा खोल्या असून एकूण अकरा सदस्य राहतात. तेलंगणा सरकारने जी सीमा निश्चित केली, त्यानुसार तेलंगणात चार खोल्या गेल्या आहेत आणि उर्वरित बैठक खोल्या महाराष्ट्रात आहेत. सीमा वादाच्या या गोंधळात पवार, यांचा कल तेलंगणात समावीष्ट होण्याचा आहे. तेलंगणा सरकारने अनेक विकास कामे केली आहेत, तसेच विविध योजनांचा लाभ येथील अनेक कुटुंबांना झाल्याचे त्यांचे म्हणणे आहे.