Nana Patole News : 'आताचं सरकार असंवैधानिक आहे, कोर्टात प्रकरण सुरु असताना सरकार स्थापन करण्यात राज्यपाल यांचा मोठा हात आहे .राज्यपाल भगत सिंह कोश्यारी हे राज्यात भाजपचे राज्यपाल म्हणून काम करीत आहे. हे चुकीचे होतं आहे, अशी खंत काँग्रेस प्रदेशाध्यक्ष नाना पटोले (Nana Patole) यांनी व्यक्त केली.
नाना पटोले हे बुलडाणा जिल्ह्याच्या दौऱ्यावर होते. त्यावेळी त्यांनी पत्रकारांशी संवाद साधला. नाना पटोले यांनी यावेळी राज्यपाल भगत सिंह कोश्यारी यांच्यावर टीका केली. नाना पटोले पुढे म्हणाले, 'राज्यपाल हे गुजरात व राजस्थान राज्याचं गुण गातात. महाराष्ट्रातील लोकांना हीन वागणूक देतात ही बाब गंभीर आहे'.
पटोले यांनी यावेळी शिंदे सरकारवर जोरदार टीका केली. पटोले म्हणाले, ' या असंवैधानिक सरकारने पहिले काम बुलेट ट्रेनला मंजुरी देऊन केले. कालच साडेसहा हजार कोटी रुपये जाहीर केले आहे. इकडे राज्यात अतिवृष्टीने शेतकरी हवालदील झाला आहे. याकडे अजिबात लक्ष नाही, अशा शब्दात नाना पटोले यांनी शिंदे सरकारवर टीका केली.
विधान परिषदेत शिवसेना पक्षाला अधिकृत विरोधी पक्ष म्हणून मान्यता देण्यात आली आहे. त्यामुळे विधान परिषदेत विरोधी पक्षनेते पद हे अंबाद दानवे यांना मिळाले आहे. त्यावरून 'विधान परिषदेत विरोधी पक्षनेता पद हे शिवसेनेला मिळाले, त्याला आमचा विरोध आहे, असंही नाना पटोले यांनी स्पष्ट केले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.