Parbhani News : पदाचा कालावधी संपला असताना देखील 80 हजार चौरस मीटर प्लॉटींगला मान्यता दिल्याने मुख्याधिकारी यांचे सेवेतून निलंबन करण्यात आले आहे. जिल्हाधिकारी आंचल गोयल (Collector Anchal Goyal) यांनी ही कारवाई पाथरी पालिकेचे तत्कालीन मुख्याधिकारी एम.पी. वाघुंडे (Chief Executive Officer M. P. Waghunde) यांच्यावर केली आहे. (Maharashtra News)

राष्ट्रीय महामार्ग 61 लगत असल्येल्या पाथरी पालिका हद्दीतील लक्ष्मीनगर भूमापन क्रमांक सर्व्हे नं. 155 /1 आणि 155/ 2 या जागेत पाथरी पालिकेच्या तात्कालीन मुख्याधिकारी एम. पी. वाघुंडे यांनी पदाचा अतिरिक्त पदभाराचा कालावधी संपला असताना देखील बेकायदेशीररित्या जमिनीचा निवासी प्रयोजनासाठी भूमी प्लॉटिंगसाठी मंजुरी दिली.

वाघुंडे सेवेतून निलंबित

या प्रकरणाची तक्रार समोर आल्यानंतर (parbhani) जिल्हाधिकारी आंचल गोयल यांनी सखोल चौकशी केली. त्यानंतर बेकायदेशीर परवानगी देणारे तात्कालीन मुख्याधिकारी एन. पी. वाघुंडे यांना सेवेतून निलंबित केले आहे.

गुंतवणुकदार चिंतेत

वाघुंडे यांनी 80 हजार चौरस मीटर जागेवर प्लाटींग परवानगी दिली होती. अनेकांनी अमाप दराने प्लाटींगची खरेदी विक्री केली. प्लाटींग बेकायदेशीर असल्याचे जाहीर झाल्याने लाखों करोडोंची गुंतवणूक करणाऱ्यांच्या चिंतेत आता भर पडली आहे. या प्रकरणाची सखोल चौकशी करण्याची मागणी लक्ष्मीनगर शिवारातील शेतकऱ्यांनी केली आहे.

Edited By : Siddharth Latkar