नागपूर - शहरात यंदाच्या सर्वात कमी तापमानाची नोंद काल करण्यात आली आहे. काल (२१ डिसेंबर) नागपुरात तापमानाचा पारा 7.6 अंशांपर्यंत घसरला तर सोमवारी नागपूरचे तापमान 7.8 अंशावर होते. नागपूरसह विदर्भात थंडीचा कडाका सुरू आहे. हीच हाडे गोठविणारी थंडी जीवघेणी ठरत आहे. शहरातील विविध भागात थंडीचे पाच बळी गेले आहे.

हे देखील पहा -

नागपूर मधील गणेशपेठ, कपील नगर, सोनेगाव परिसरात चौघांचा तर कामठी मार्गावर एकाचा थंडीनं मृत्यु झाला आहे. गणेशपेठ पोलीस ठाण्याच्या हद्दीत वामन अण्णाजी सावळे हे ६५ वर्षीय वृद्ध फूटपाथवर मृतावस्थेत आढळले. कपिलनगर पोलीस ठाण्याच्या हद्दीत ५३ वर्षीय ट्रकचालक अशोक सोनटक्के हे ट्रकमध्ये मृतावस्थेत सापडले आहेत.

याशिवाय सोनेगाव परिसरात ५४ वर्षीय उदय भुते हेसुद्धा मृतावस्थेत आदळून आले. सोनेगाव येथे ५० वर्षीय अनोळखी महिलेचा तर सदर येथीही 60 वर्षीय व्यक्तीचा मृतदेह आढळला आहे. पोलिसांनी मृतदेह शवविच्छेदनासाठी सरकारी रुग्णालयात पाठविले आहे.

Edited By - Shivani Tichkule