विजय पाटील

सांगली : सांगलीमध्ये Sangali भाजप कार्यकर्त्यांनी दौऱ्यादरम्यान जोरदार घोषणाबाजी केलेली आहे. भाजप कार्यकर्ते BJP आणि शिवसैनिक Shivsena हे आमने सामने आल्याचे पाहायला मिळाले. मुख्यमंत्री हे सांगलीच्या पूरग्रस्त भागाच्या दौऱ्यावर आहेत. आणि याच वेळेला भाजप कार्यकर्त्यांनी दौऱ्यादरम्यान जोरदार घोषणाबाजी केली.

आज मुख्यमंत्री हे सांगली दौऱ्यावर आलेले आहेत. पूर भागाची पाहणी ते करत आहेत. सकाळ पासून ते ग्रामीण भागातून सांगाली शहरात ते दाखल झाले होते. यावेळेस सांगलीच्या हर्बर्ट रोड वर त्याठिकाणी भाजपचे कार्यकर्ते हे निवेदन देत होते. मात्र मुख्यमंत्र्यांनी निवेदन स्वीकारणार तेवढ्यात असतानाच कार्यकर्त्यांचा गोंधळ उडाला. कार्यकर्त्यांची एकमेकांना धक्काबुक्की सुरू झाली. त्यावेळेस पोलिसांनाही हा गोंधळ थांबविता आला नाही. या गोंधळामुळे दोन मिनिटातच निवेदन न घेताच ठाकरे हे जिल्हाधिकारी कार्यालयातील आढावा बैठकीसाठी रवाना झाले.

यावेळी भाजपने घोषणाबाजी सुरु केली तर दुसरीकडे शिवसेनेने त्या ठिकाणी घोषणाबाजी सुरु केली. दोनही पक्ष यावेळी आमने सामने आले. यावेळी पोलिसांनी सौम्य लाठीचार्ज ही केला होता.

Edited By-Sanika Gade