अंबरनाथ : विधानसभा निवडणुकीत राज्यातील काही भागात दोन्ही शिवसेनेमध्ये लढत पाहायला मिळत आहे. या दोन्ही शिवसेनेमधील लढतीने निवडणुकीची रंगत वाढली आहे. या निवडणुकीत उद्धव ठाकरेंकडून सातत्याने शिंदे गटावर लक्ष्य करताना दिसत आहेत. मुख्यमंत्र्यांकडूनही उद्धव ठाकरेंना जोरदार प्रत्युत्तर दिलं जात आहे. 'मी डॉक्टर नसलो तरी,मोठं ऑपरेशन केलंय, असं म्हणत मुख्यमंत्री एकनाथ शिंदे यांनी उद्धव ठाकरेंवर तोफ डागली.

अंबरनाथ विधानसभा मतदारसंघातील शिंदे गटाचे उमेदवार डॉ. बालाजी किणीकर यांच्या प्रचारसभेत मुख्यमंत्री एकनाथ शिंदे यांनी उद्धव ठाकरेंवर टीका केली. 'माझ्या दोन बाजूला दोन डॉक्टर बसले आहेत. मी डॉक्टर नसलो, तरी मोठं ऑपरेशन केलं आहे. डायरेक्ट टांगा पलटी घोडे फरार, असं म्हणत एकनाथ शिंदे यांनी टीका केली. अंबरनाथमधील प्रचारसभेत मुख्यमंत्री एकनाथ शिंदे यांनी टीका केली.

या सभेत मुख्यमंत्री एकनाथ शिंदे यांनी पुन्हा एकदा सत्तांतराचा दाखल देत उद्धव ठाकरे यांचं नाव न घेता टोला लगावला. तर दाताचे डॉक्टर असलेले डॉक्टर बालाजी किणीकर हे यंदा विरोधकांच्या तोंडातील दात घशात घालतील, अशा शब्दात एकनाथ शिंदे यांनी विरोधकांवर टीका केली.

अंबरनाथमध्ये बोलताना त्यांनी पुन्हा एकदा सत्तांतराचा दाखला देत उद्धव ठाकरे यांना नाव न घेता टोला लगावला. तर दाताचे डॉक्टर असलेले डॉक्टर बालाजी किणीकर हे यंदा विरोधकांच्या तोंडातले दात घशात घालतील, असं एकनाथ शिंदे म्हणाले.

पुढे म्हणाले, 'ते म्हणतात पक्ष चोरला. चिन्ह चोरलं. बाप चोरला. अरे ते काय चोरायला खेळणं आहे का? असा सवाल करत मुख्यमंत्री शिंदे यांनी उद्धव ठाकरेंचं नाव न घेता टीका केली. दरम्यान, अंबरनाथ विधानसभेत किणीकर यांची ठाकरे गटाचे राजेश वानखेडे यांच्याशी थेट लढत आहे.