रत्नागिरीतील राजापूर तालुक्यातील नाणार इंगळवाडी येथे खाडीत बुडून एकाच कुटुंबातील चार मुलांचा दुर्दैवी मृत्यू झाला. आई-वडिलांसोबत कालवे काढण्यासाठी गेलेली पाच मुले खाडीतील खोल पाण्यात बुडाली. यातील एका मुलीला वाचवण्यात यश आले. मोहम्मद जुनेद भाटकर, जुहेरिया, बुशिरा आणि माहिरा भाटकर अशी मुलांची नावे आहेत. तिघांचे मृतदेह बाहेर काढण्यात आले असून, माहिराचा शोध युद्धपातळीवर सुरू आहे.

बारामती तालुक्यातील सोमेश्वर सहकारी साखर कारखान्याच्या पंचवार्षिक निवडणुकीचे मतदान आज झाले या निवडणुकीसाठी एकूण 21 संचालक पदांसाठी 83 उमेदवार रिंगणात आहेत. 83 उमेदवारांचे भवितव्य मतपेटीत कैद झाले असून उद्या सकाळी बारामती तालुक्यातील माळेगाव येथे मतमोजणी होणार आहे सकाळी नऊ वाजता मतमोजणीला सुरुवात होणार असून या कारखान्यावर राष्ट्रवादी काँग्रेस पक्ष अजित पवार गटाची सत्ता होती या निवडणुकीत उपमुख्यमंत्री सुनेत्रा पवार यांची प्रतिष्ठा पणाला लागली असून या तिरंगी लढतीत कोण बाजी मारणार याकडे सर्वांचे लक्ष लागले आहे.

गुन्हा दाखल करण्याची प्रक्रिया सुरू असल्याचे पोलिसांकडून स्पष्ट

तब्बल ३०० आंदोलकांना यावेळी घेण्यात आलं होतं ताब्यात

मात्र सगळ्या आंदोलकांना सोडल्याची पोलिसांची माहिती

आंदोलकांना सोडण्यासाठी आदित्य ठाकरे आणि अमित ठाकरे यांनी छेडलं होत आंदोलन

आंदोलकांच्या सुटकेसाठी ठाकरे पोलीस स्टेशनमध्ये

जातनिहाय जनगणनेत ओबीसींसाठी स्वतंत्र कॉलमची मागणी; २ नोव्हेंबरला भारत बंदचा निर्णय

जातनिहाय जनगणनेत ओबीसी समाजासाठी स्वतंत्र कॉलम नसल्याने अचूक आकडेवारी मिळणार नाही, असा दावा करत देशभरातील ओबीसी संघटनांनी आंदोलनाची घोषणा केली आहे.....

आदित्य - तेजस- अमित ठाकरेंनी पोलिस व्हॅन अडवली

ठाकरे सेना आणि मुंबई पोलिसांमध्ये झटापट

दादारमध्ये मुंबई पोलिसांकडून आंदोलकांची धरपकड

शिवसेना भवनासमोर राडा

बीड : अहमदपूर-अहिल्यानगर राष्ट्रीय महामार्गावरील सारोळा पाटीजवळ पिकअप आणि टिप्परचा भीषण अपघात झाला. दुपारी दोन वाजेच्या सुमारास घडलेल्या या अपघातात दोन जणांचा जागीच मृत्यू झाला, तर तीन जण गंभीर जखमी झाले आहेत. जखमींवर बीड जिल्हा रुग्णालयात उपचार सुरू आहेत. या अपघातात पिकअपमधील चार ते पाच गुरांचाही मृत्यू झाला. धडकेची तीव्रता इतकी होती की दोन्ही वाहनांचे मोठे नुकसान झाले. या दुर्घटनेमुळे परिसरात हळहळ व्यक्त केली जात आहे.

बुलढाणा जिल्ह्यातील मेहकर तालुक्यात काँग्रेसचे महासचिव खासदार मुकुल वासनिक यांनी दुष्काळग्रस्त शेतकऱ्यांच्या बांधावर जाऊन खरिपाच्या नुकसानग्रस्त पिकांची पाहणी केली. नायगाव-दत्तापूर शिवारात त्यांनी शेतकऱ्यांशी संवाद साधत त्यांच्या अडचणी आणि व्यथा जाणून घेतल्या. यावेळी शेतकऱ्यांसोबत बसून त्यांनी ठेचा-भाकरी आणि बेसनाचा आस्वाद घेतला. नुकसानग्रस्त शेतकऱ्यांना लवकरात लवकर मदत मिळावी, यासाठी काँग्रेस प्रयत्नशील असल्याचे मुकुल वासनिक यांनी सांगितले.

नाशिकच्या येवला पंचायत समिती येथील कर्मचारी व कलाकार किरण केदारे यांनी आपल्या कलेच्या माध्यमातून एक वेगळा व अनोखा कलाविष्कार सादर केला आहे. त्यांनी एका नारळावर अॅक्रेलिक रंगांच्या साहाय्याने चांदवड निवासिनी श्री रेणुका मातेची हुबेहूब आणि विलोभनीय प्रतिकृती साकारली आहे.

उपमुख्यमंत्री एकनाथ शिंदे यांनी टेंभी नाक्यावरील देवीच्या आगमनाच्या पार्श्वभूमीवर प्रतिक्रिया दिली. देवीच्या दर्शनासाठी इतर राज्यांतूनही नागरिक टेंभी नाक्यावर येत असल्याचे त्यांनी सांगितले. शेतकऱ्यांची दिवाळी काळी होऊ देणार नाही, अशी ग्वाही एकनाथ शिंदे यांनी दिली. दुष्काळग्रस्त शेतकऱ्यांच्या पाठीशी सरकार ठामपणे उभे असून, त्यांना मदत करण्याची भूमिका त्यांनी स्पष्ट केली.

रायगड जिल्ह्यातील खोपोली-कर्जत मार्गावर डोलवली रेल्वे स्थानकाजवळ अचानक एका कारने पेट घेतला. घटनेची माहिती मिळताच खोपोली नगर परिषदेच्या अग्निशमन दलाने घटनास्थळी धाव घेतली. अग्निशमन दलाच्या जवानांनी आगीवर नियंत्रण मिळवले; मात्र आगीत संपूर्ण कार जळून खाक झाली. या घटनेत कारचालक सुरक्षित असून, अन्य कोणालाही दुखापत झालेली नाही.

दादरमध्ये दगंली घडवायच्या आहेत का, असा सवाल मनसे नेते संदीप देशपांडे यांनी सरकारला केला आहे.

राज्यात उद्भवलेल्या दुष्काळाच्या पार्श्वभूमीवर शेतकरी, शेतमजूर आणि ग्रामीण भागातील नागरिकांना पुढील सहा ते आठ महिने अधिक आधार देण्याची आवश्यकता निर्माण झाली आहे. यासाठी रोजगारनिर्मिती, गरजूंपर्यंत अन्नधान्य पोहोचविणे, पिण्याच्या पाण्याची व्यवस्था आणि पशुधनासाठी चारा-पाणी उपलब्ध करून देण्याचे सूक्ष्म नियोजन करण्यात येत असल्याची माहिती मुख्यमंत्री देवेंद्र फडणवीस यांनी केंद्रीय दुष्काळ पाहणी पथकासोबतच्या बैठकीत दिली. केंद्रीय पथकाकडून दुष्काळी भागातील परिस्थितीबाबतचा अहवाल केंद्र शासनाला सादर होईल, असा विश्वास मुख्यमंत्री फडणवीस यांनी व्यक्त केला.

विक्रोळीच्या टागोर नगरमध्ये दोन गटांत लाठ्या-काठ्या आणि धारदार शस्त्रांनी हाणामारी झाल्याचा व्हिडिओ समोर आला आहे. या घटनेत ५ ते ६ जण जखमी झाले असून, त्यांच्यावर सायन व राजावाडी पालिका रुग्णालयात उपचार सुरू आहेत. या प्रकरणी पोलिसांनी काही जणांना ताब्यात घेतले असून १२ जणांवर कलम ३०७ अंतर्गत गुन्हा दाखल करण्यात आला आहे. पुढील तपास विक्रोळी पोलीस करत आहेत.

शारदीय नवरात्रोत्सवाच्या पार्श्वभूमीवर ठाण्यातील मानाच्या टेंभी नाक्याच्या ‘दुर्गे दुर्गेश्वरी’चे कळवा मार्केट परिसरातून उत्साहात आगमन झाले. पारंपरिक ढोल-ताशांचा गजर आणि फटाक्यांच्या आतषबाजीने आगमन मिरवणुकीत रंगत आणली. या मिरवणुकीत शेकडो भाविक सहभागी झाले होते. भक्तिमय वातावरणात आणि जयघोषात देवीच्या आगमनाने परिसरात नवरात्रोत्सवाचा उत्साह पाहायला मिळाला.

कॉकरोच जनता पार्टीची (CJP) पत्रकार परिषद सुरू झाली आहे. या वेळी प्रवक्ते आशुतोष रांका यांनी पंतप्रधान मोदी यांच्यावर निशाणा साधला. ते म्हणाले, निवडणूक आयोग आणि ज्ञानेश कुमार यांच्याविरोधात जी लढाई होती, ती पंतप्रधान नरेंद्र मोदी आणि अमित शाह यांनी आता स्वतःवर ओढवून घेतली आहे.

पोलिसांच्या कारवाईनंतर CJP ची पत्रकार परिषद सुरू झाली आहे. यामध्ये आंदोलनाला दिल्लीत येताच महिला पोलिसांनी आशुतोष रांका आणि सौरव दास फोन घेतले, ते हॅक केले.. वकिलांनाही भेटू दिलं नाही... तर आंदोलनात भाजपकडून घुसरखोरी करण्यात आली असं दास याने पत्रकार परिषदेत सांगितलं....

सीजेपीच्या पत्रकार परिषदेला सुरूवात

आशुतोष रांका आणि सौरव दास यांची पत्रकार परिषद

पोलिसांनी सुटका केल्यानंतर दोघे घेत आहेत पत्रकार परिषद

सीजेपी आंदोलनावर ठाम आहे

दिल्लीतील राजीव चौक परिसरात परिस्थिती चिघळत चालली आहे

आंदोलक आणि पोलीस यांच्यात संघर्ष होत आहे

आंदोलकांना हटवण्याची प्रयत्न

डोंबिवली -

बळीराजाच्या सुख-समृद्धीसाठी डोंबिवलीत पार पडला नवकुंडात्मक सहस्रचंडी महायाग

खासदार डॉ. श्रीकांत शिंदे यांच्या उपस्थितीत शारदीय नवरात्रोत्सवाचा शुभारंभ

राज्यावरील दुष्काळाचे संकट दूर होऊन महाराष्ट्र सुजलाम्-सुफलाम् व्हावा, यासाठी प्रार्थना

आमदार धनंजय मुंडे यांनी आज माहूर गडावर आपल्या कुलदैवत असलेल्या रेणुका मातेचे दर्शन घेतले. सध्या दुष्काळ आहे. दुष्काळात सरकार शेतकऱ्याच्या पाठीशी आहे. मात्र या दुष्काळात शेतकऱ्यांना ताकद दे आणि दर दोन वर्षाला येणारं दुष्काळ कायमस्वरूपी दूर कर असे साकडे आपण रेणुका मातेकडे घातल्याचे आमदार धनंजय मुंडे म्हणाले.

दिल्ली -

कॉक्रोच जनता पक्षाचा दिल्ली पोलिसांच्या कारवाईचा निषेध.

पक्षाचे दक्षिण भारत प्रमुख विजय मल्लांगी यांना शेकडो नागरिक आणि स्वयंसेवकांसह ताब्यात घेतल्याचा आरोप.

विजय मल्लांगी यांची नजरकैद मनमानी आणि बेकायदेशीर असल्याचा पक्षाचा दावा.

सर्वोच्च न्यायालयाच्या निर्देशांकडे दुर्लक्ष करून दिल्ली पोलिसांकडून कारवाई सुरू असल्याचा आरोप.

शांततापूर्ण आंदोलन करणाऱ्या नागरिकांचा लोकशाही आवाज दडपण्याचा प्रयत्न होत असल्याचे पक्षाचे म्हणणे.

नागपूर

- ओबीसी हक्कांच्या लढ्याला नवी दिशा देण्यासाठी नागपुरात राष्ट्रीय रणनीती बैठकीला सुरुवात

- संवैधानिक न्याय, लोकसंख्येच्या प्रमाणात प्रतिनिधित्व आणि जातनिहाय जनगणनेची मागणी अधिक बळकट करण्यासाठी सकल ओबीसी महामोर्चाच्या वतीने आयोजित राष्ट्रीय ओबीसी रणनीती बैठकीला नागपुरात सुरुवात झाली आहे.

अभिजीत दीपकेने केलं ट्वीट

दुःखाच्या या प्रसंगी कुटुंबासोबत राहण्यासाठी मी माझ्या गावी परत जात आहे.

सौरव आणि आशू लवकरच दिल्लीत पत्रकार परिषदेला संबोधित करणार आहेत.

कॉक्रोच जनता पार्टी (CJP) माघार घेणार नाही आणि कोणत्याही दबावाला घाबरणारही नाही.

१० ऑक्टोबर हा दिवस या हुकूमशाहीच्या अंताची सुरुवात म्हणून इतिहासात नोंदवला जाईल.

अभिजीत दीपकेच्या आजीचे निधन

पोलिसांनी ताब्यात घेतल्याने अंत्यसंस्काराला जाता आले नाही

आता दिल्ली पोलिसांनी सुटका केल्यानंतर अभिजीत दिपके हिंगोलीला रवाना

नंदुरबार -

नंदुरबारमध्ये जिल्हा दुष्काळ मदत कक्ष स्थापन..

दुष्काळग्रस्तांना थेट संपर्क साधण्याचे प्रशासनाचे आवाहन....

प्रशासनाकडून हेल्पलाइन नंबर जारी...

दिल्ली कॅनॉट परिसरात गोंधळ

पोलिसांकडून पुन्हा आंदोलकांची धरपकड

सलग दुसऱ्या दिवशी दिल्लीत सीजेपीचे आंदन

दिल्ली -

कॉकरोच जनता पक्षाच्या तीन नेत्यांची २४ तासांनंतर सुटका

अभिजित दिपके, सौरव दास आणि आशुतोष रांका यांना दिलासा

दिल्ली विमानतळावर ताब्यात घेतल्याचा पक्षाचा आरोप

प्रतिबंधात्मक नजरकैदेत ठेवल्यानंतर कार्यकारी दंडाधिकारी न्यायालयाचा सुटकेचा आदेश

मतदार यादीतील कथित अनियमितता आणि मुख्य निवडणूक आयुक्तांच्या राजीनाम्याच्या मागणीसाठी आंदोलन

नेत्यांना लोकशाही निदर्शनांपासून रोखण्यासाठी कारवाई केल्याचा CJPचा आरोप

मेट्रो रेल्वे सेवा अचानक बंद न करण्याचे आणि नागरिकांच्या हालचालींमध्ये अडथळा निर्माण न करण्याचे निर्देश ९ ऑक्टोबरच्या आदेशातून देण्यात आले होते. या आदेशाची संबंधित अधिकाऱ्यांना आठवण करून देत न्यायालयाने त्यांच्याकडून स्पष्टीकरण मागितले आहे.

न्यायालयाच्या आदेशाचे उघडपणे उल्लंघन झाल्याच्या पार्श्वभूमीवर संबंधित अधिकाऱ्यांविरुद्ध न्यायालयाचा अवमान केल्याप्रकरणी कारवाई का सुरू करण्यात येऊ नये, याबाबत कारणे दाखवा नोटीस बजावण्यात आली आहे. तसेच, या प्रकरणी सरकारकडूनही उत्तर मागवण्यात आले आहे.

संबंधित अधिकाऱ्यांना मंगळवारपर्यंत आपले उत्तर सादर करण्याचे निर्देश देण्यात आले आहेत.

सर्व ट्रस्ट हे लोकांच्या पैशातून चालतात; आपल्या सर्वांचे पैसे ट्रस्टमध्ये आहेत. दुष्काळी परिस्थितीत संकटात सापडलेल्या शेतकऱ्यांना तुळजाभवानी संस्थानने मदत करणे गरजेचे आहे.तुळजाभवानी संस्थान शेतकऱ्यांना मदत करेल, असा विश्वास सार्वजनिक बांधकाम मंत्री शिवेंद्रराजे भोसले यांनी व्यक्त केला.

कॉकरोच जनता पार्टी (CJP) चे अभिजीत दीपके, आशुतोष रांका आणि सौरव दास यांची सुटका करण्यात आली आहे. १० ऑक्टोबर रोजी प्रतिबंधात्मक कारवाईअंतर्गत दिल्ली पोलिसांनी या तिघांना अटक केली होती. भारतीय नागरिक सुरक्षा संहिता (BNSS) च्या कलम १२६ आणि १७० अंतर्गत त्यांच्यावर कारवाई करण्यात आली होती.

११ ऑक्टोबर रोजी तिघांना दिल्ली कँट येथील कार्यकारी दंडाधिकारी न्यायालयात हजर करण्यात आले. यावेळी शांतता आणि चांगले वर्तन राखण्यासाठी प्रत्येकी ५० हजार रुपयांचा जामीन बाँड सादर करण्याची अट घालण्यात आली. तसेच पुढील एक वर्ष शांतता राखण्याचे निर्देश देण्यात आले.

सर्व कायदेशीर प्रक्रिया पूर्ण झाल्यानंतर कार्यकारी दंडाधिकारी न्यायालयाने तिघांच्या सुटकेचे आदेश दिले. त्यामुळे एक वर्ष शांतता राखण्याच्या अटीवर CJPचे तिन्ही नेते मुक्त झाले आहेत, अशी माहिती दिल्ली पोलिसांनी दिली.

आत्महत्या केलेल्या निवासी डॅाक्टरचे नाव शिवचरण आप्पा पाटील

ॲनास्थेशियाचा ओव्हरडोस घेवून आत्महत्या केल्याचा संशय

होस्टेलमधील राहत्या रूमच्या बाथरूममध्ये काल रात्री सापडला मृतदेह

शिवचरण पाटील हा सर्जरी विभागात पदव्युत्तरच्या पहिल्या वर्षात शिकत होता

सांगली जिल्ह्यात यंदाच्या ऊस दर आंदोलनाची पहिली ठिणगी पडली आहे. देवराष्ट्रे येथे सोनहिरा साखर कारखान्याच्या ऊसतोडी स्वाभिमानी शेतकरी संघटनेने बंद पाडल्या आहेत. तर कडेगाव तालुक्यातील वांगी येथे कारखान्याकडे जाणारी उसाची वाहने संघटनेच्या कार्यकर्त्यांनी रोखून धरली आहेत.

याशिवाय शिवणी आणि कडेपूर येथेही ऊसतोडी बंद पाडण्यात आल्या आहेत. त्यामुळे सांगली जिल्ह्यात ऊस दराचा प्रश्न पुन्हा ऐरणीवर आला आहे. ऊस दराच्या मागणीवरून शेतकरी संघटना आक्रमक झाली असून, आगामी काळात हे आंदोलन अधिक तीव्र होण्याची शक्यता व्यक्त केली जात आहे.

महाराष्ट्राची कुलस्वामिनी आई तुळजाभवानी मातेच्या शारदीय नवरात्र महोत्सवाला आजपासून सुरुवात झाली आहे.याच पार्श्वभूमीवर तुळजाभवानी मंदिर व परिसरात पुण्यातील देवीभक्त नानासाहेब पाचुंदकर पाटील यांच्या वतीने 2 हजार देशी विदेशी फुलांचा वापर करून आकर्षक फुलांची सजावट करण्यात आली आहे.तुळजाभवानी देवीच्या मुख्य महाद्वारावर जय जगन्नाथ रथाची थीम साकारण्यात आली असून यामध्ये तुळजाभवानी मातेची आकर्षक मूर्ती साकारण्यात आली नवरात्र उत्सवाचा पहिला दिवस असल्याने भाविकांनी देखील तुळजापुरात मोठी गर्दी केलेली पाहायला मिळत आहे.

कॉकरोच जनता पार्टीचे राष्ट्रीय संघटन प्रभारी अजिंक्य शिंदे आज, रविवार, ११ ऑक्टोबर २०२६ रोजी पत्रकारांशी संवाद साधणार आहेत. दुपारी २ वाजता नवी दिल्लीतील प्रेस क्लब ऑफ इंडिया येथे या पत्रकार परिषदेचे आयोजन करण्यात आले आहे.

या पत्रकार परिषदेत अजिंक्य शिंदे कोणती भूमिका मांडणार आणि कोणत्या मुद्द्यांवर भाष्य करणार, याकडे सर्वांचे लक्ष लागले आहे.

दिल्लीतील सीजेपी आंदोलनावरून संजय राऊत यांनी केंद्र सरकारवर टीका केली आहे. हा विषय केवळ सीजेपीपुरता मर्यादित नसून देशातील लोकशाहीशी संबंधित असल्याचे त्यांनी म्हटले. आंदोलन अद्याप थांबलेले नसून माजी मुख्यमंत्री आणि खासदारांना ताब्यात घेतले जात असल्याचा आरोपही त्यांनी केला.

देशात ‘डिटेन्शन राज्य’ आणि ‘पोलीस राज्य’ निर्माण झाले असून, देशात आणीबाणी लागू असल्याचे मान्य केले पाहिजे, असे राऊत म्हणाले. हिटलरने आपल्या अखेरच्या काळात अशाच प्रकारची कृती केल्याचा उल्लेख करत त्यांनी सरकारवर निशाणा साधला. भाजपमध्येही अंतर्गत असंतोष दिसू लागल्याचा दावा करत, मार्चपर्यंत नरेंद्र मोदी सत्तेत राहणार नाहीत, असे भाकीत संजय राऊत यांनी केले.

परळ येथील शिरोडकर हायस्कूलचा ताबा मिळवण्यावरून दोन व्यवस्थापन गटांमध्ये वाद सुरू झाला आहे. यापैकी एका गटाने शाळेला कुलूप लावल्याने परिसरात तणावाचे वातावरण निर्माण झाले आहे. परिस्थिती लक्षात घेता शाळेच्या परिसरात पोलिस बंदोबस्त तैनात करण्यात आला आहे.

या प्रकरणी विद्यमान संस्थाचालक भोईवाडा पोलीस ठाण्यात तक्रार दाखल करणार आहेत. दरम्यान, व्यवस्थापनातील या वादामुळे शाळेतील शेकडो विद्यार्थ्यांचे शैक्षणिक भवितव्य धोक्यात येण्याची शक्यता व्यक्त केली जात आहे.

CJP च्या अभिजित दिपके, आशुतोष रांका आणि सौरव दास यांची सुटका केली

दिल्ली पोलिसांची आंदोलकांवर लाठीचार्ज करण्याच्या हालचाली?

पोलिसांकडून माध्यमकर्मी यांना आंदोलकांच्या गर्दीत घुसू नये, अशा सूचना

गर्दीपासून सुरक्षित अंतर राखून coverage करण्याच आवाहन

आंदोलकांना हाताळताना पोलिसांना अडथळा निर्माण होऊ शकते असा पोलिसांचा दावा

भाजप मुंबई अध्यक्ष अमित साटम यांना मातृ शोक

अमित साटम यांच्या आईचे दीर्घ आजाराने निधन

शितल साटम यांचे वयाच्या 80व्या वर्षी निधन

लीलावती रुग्णालयात घेतला अखेरचा श्वास

मुंबईतील प्रसिद्ध मुंबादेवी मंदिरात नवरात्रोत्सवानिमित्त भाविकांची मोठी गर्दी पाहायला मिळत आहे.

देवीच्या दर्शनासाठी भाविकांची मंदिरात रीघ लागली असून, परिसरात भक्तिमय वातावरण निर्माण झाले आहे

भंडाऱ्यात शासकीय धान गोडाऊनमधील तांदळाची चोरी

पवनी पोलिसांनी केली धान व्यापाऱ्यासह ५ आरोपींना अटक

मुंबईच्या वडाळा पूर्व गणेश नगर येथे रात्रि उशिरा मोठा अपघात

गणेश नगरच्या सिग्नलवर एका महिलेला ट्रकने चिरडला

सदर ठिकाणी पीडित महिलेचा जागीच मृत्यू

नवरात्र उत्सवानिमित्त करवीर निवासिनी श्री अंबाबाई मंदिरामध्ये घटस्थापनेला सुरुवात

देवीची तोफ उडवून घटस्थापनेची होते सुरुवात

सकाळपासूनच देवीचे दर्शन घेण्यासाठी मंदिर परिसरात भाविकांची गर्दी

अभिजीत दिपके, आशुतोष रांका आणि सौरव दास यांना दंडाधिकाऱ्यांसमोर हजार केले जाणार

सकाळी ९ वाजता दिल्ली कँट पोलीस ठाण्यात कार्यकारी दंडाधिकाऱ्यांसमोर हजर केले जाणार

CJP च्या कायदा विभागाच्या प्रमुख हेड रत्ना सिंह यांची माहिती

दिल्ली पोलिसांच्या एका अधिकाऱ्याने आज सकाळी याबाबत माहिती दिल्याचे त्यांनी म्हटले आहे.

वाशिम जिल्ह्यात तुरीच्या दरात पुन्हा तेजी आली असून, वाशिम आणि कारंजा बाजार समितीत तुरीला १० हजार ७०० रुपये प्रतिक्विंटलपर्यंत दर मिळत आहे.

मात्र, परतीचा पाऊस न झाल्याने आणि सिंचनासाठी पाणी उपलब्ध नसल्याने आगामी काळात तुरीच्या उत्पादनात घट होण्याची शक्यता आहे.

- नागपूर शहरातील धार्मिक स्थळांना मालमत्ता करातून सूट देण्याची आमदार विकास ठाकरे यांची मागणी

- मंदिरे, बौद्ध विहार, मशिदी, दर्गाह, चर्च, गुरुद्वारे आणि सर्व धार्मिक स्थळांना मालमत्ता करातून सूट देण्याची मागणी विकास ठाकरे यांनी मनपा आयुक्तांकडे केली आहे

कॉक्रोच जनता पार्टीची मुंबईतही आंदोलनाची हाक

आज शिवाजी पार्कवर दुपारी चार वाजता सीजेपीच आंदोलन

मुख्य निवडणूक आयुक्त ज्ञानेश कुमार यांचा 'निरोप समारंभ' साजरा केला जाणार

महाराष्ट्र सीजेपी कडून आंदोलनाची हाक

दिल्लीच्या पार्श्वभूमीवर मुंबईतही सीजेपीच आंदोलन

आंतरराष्ट्रीय बाल लैंगिक शोषण प्रकरणात पुण्यातील तरुणाला फ्रान्समध्ये २० वर्षांचा तुरुंगवास

अमेरिका, ब्रिटन आणि कॅनडातील अल्पवयीन मुलांचे शोषण

आंतरराष्ट्रीय गुन्हेगारी जाळ्यात सहभागी असल्याप्रकरणी भारतीय तरुण रोहन राणे याला फ्रान्समधील न्यायालयाने सुनावला २० वर्षांच्या कारावास

आजपासून शारदीय नवरात्र उत्सवाला सुरुवात...

अमरावतीचे आराध्य दैवत असलेल्या अंबा देवीच्या मंदिराला आणि एकवीरा देवीच्या मंदिराला आकर्षक रोषनाई...

नऊ दिवसात लाखो भाविक दर्शनासाठी येणार

आचारसंहितेत अडकला दिवाळीचा बोनस

निवडणूक आयोगाच्या परवानगीसाठी प्रयत्न

दिवाळी जवळ आली असतानाही पुणे महापालिका आणि पीएमपीच्या कर्मचाऱ्यांच्या सानुग्रह अनुदानाबाबत निर्णय झालेला नसल्याने अस्वस्थता वाढली

अन्न व औषध प्रशासनाची पुणे विभागात खाद्यतेलावर धडक कारवाई

पुणे विभागातील ५ जिल्ह्यांत २५ आस्थापनांची तपासणी करून एकूण १ कोटी २८ लाख ७३ हजार रुपये किमतीचे ७४ हजार ६१२ किलो खाद्यतेल जप्त

पुणे विभागात खाद्यतेल उत्पादक व विक्रेत्यांविरोधात अन्न व औषध प्रशासनाची धडक मोहीम

एफ डी ए च्या पुणे विभागातील विविध जिल्ह्यात २५ ठिकाणी धाडी

पुण्यातील एम पी एस सी विद्यार्थ्यांचे आंदोलन! अध्यक्षांच्या चौकशीसाठी पाच सदस्यीय समितीचा प्रस्ताव

आंदोलनाच्या तोडग्यासाठी वाटाघाटींना वेग

- दिल्लीतील आंदोलनानंतर इंटरनेट सेवा पूर्ववत

- मेट्रो स्थानकांवरील बंद प्रवेशद्वारे पुन्हा खुली

- रेल्वे सेवा नियमित करण्याच्या दिशेने हालचाली

- आंदोलनामुळे बंद केलेल्या सेवा पुन्हा सुरू

- मात्र मध्य दिल्लीतील ३० ठिकाणी वाहतूक वळवण्याची शक्यता

- जंतरमंतर, संसद मार्ग आणि कनॉट प्लेस परिसरावर पोलिसांचं लक्ष

- आंदोलनाच्या पार्श्वभूमीवर पोलिसांचा बंदोबस्त कायम

- नागरिकांना प्रवासापूर्वी वाहतूक स्थिती तपासण्याचे पोलिसांचे आवाहन