बीड : आरोग्य भरती पेपरफुटी (Health Recruitment Paper) प्रकरणांमध्ये बीडच्या संजय सानप याला पोलिसांनी अटक केली आहे. या संजय सानप याने बीड (Beed) शहरातील नगर रोडवरील एका मंगल कार्यालयात पेपर फुटीची शाळा घेतल्याचं सांगितलं जातं आहे. मात्र अद्याप बीडमधील ते मंगल कार्यालय कोणता आहे ? नेमकं मंगल कार्यालयमध्ये आणखीन काय घडलं ? त्या मंगल कार्यालय चालकाचं आणि सानप याचं साटलोट आहे का ? याचा तपास पोलीस करत आहेत.

दरम्यान ज्या मंगल कार्यालयात असा प्रकार घडला आहे, ते एकदम चुकीचं आहे. त्याचा तपास पोलिसांनी करावाच. मात्र आम्ही ज्या वेळेस एखाद्या व्यक्तीला मंगल कार्यालय देतो, त्यावेळेस तो मंगल कार्यालयमध्ये काय करतो ? हे आम्हाला माहीत नसतं. कारण जर त्याने पेपरफुटी (PaperLeak) विषयी काही माहिती दिली असेल, तर ते अगदी कमी वेळात दिली असेल. तेवढ्या वेळात त्यांनी कशाची बैठक घेतली, काय माहिती दिली, हे आमच्या सारख्या मंगल कार्यालय चालकांना कसं माहित होणार ? असा देखील सवाल मंगल कार्यालय चालक संघटनेचे अध्यक्ष शिवाजी जाधव यांनी उपस्थित केला आहे.

Edited By - Jagdish Patil