परभणी: दक्षिण-मध्य रेल्वेच्या (South-Central Railway) होत असलेल्या जुनी पटरी बदलण्याच्या कामात रेल्वे गुत्तेदाराने चक्क बालकामगारांना (Child Labour) रेल्वेच्या कामात लावले असून हे बालकामगार 39°C अंश सेल्सिअस एवढ्या प्रचंड तापमानात रेल्वे पटरीवर विविध कामे करत असून रेल्वेच्या प्रवाश्यांनी हया गुत्तेदारावर कारवाईची मागणी केली आहे. (Child labours are working at a temperature of 39 degrees Celsius; But the railway administration neglected)

हे देखील पहा -

दक्षिण-मध्य रेल्वेकडून करण्यात येत असलेल्या कामात रेल्वे कंत्राटदार चक्क बालकामगारांकडून 39°C अंश सेल्सिअस तापमानात बालकामगारांकडून काम करून घेत असल्याचा प्रकार समोर आलाय. परभणी (Parbhani) जिल्हातील मानवतरोड येथील रेल्वेस्थानकात नांदेड- मनमाड ते या मार्गावर जुनी पटरी बदलण्याचे काम करण्यात येत आहे. या कामासाठी कंत्राटदाराने मध्यप्रदेश येथील कामगार आणले आहेत. हे कामगार रेल्वेच्या उड्डाणपूलाखाली कोप्या करून राहत आहेत. शोकांतिका म्हणजे संबंधित कंत्राटदार 10 ते 15 वर्ष वयोगटातील मुलांकडून भर उन्हात काम करून घेत आहे.

ही अल्पवयीन मुले-मुली 39°C डिग्री तापमानात पटरीवरील गिट्टी लावणे, रुळांना ऑईल लावणे अशी कामे करत असून रेल्वे प्रशासनाने या गंभीर बाबीकडे कानाडोळा केलाय. आजच्या अत्याधुनिक युगात रेल्वेसारख्या विभागाकडून बालकांच्या होणाऱ्या शोषणावरून जनसमान्यांतून तिखट प्रतिक्रिया उमटत आहेत.

Edited By - Akshay Baisane