CM Eknath Shinde

मराठा समाजाच्या आरक्षणाबाबत कालही तीच भूमिका होती आजही तीच आहे. ओबीसी किवा इतर समाजाच्या आरक्षणाला धक्का न लावता मराठा समाजाला आरक्षण दिलं जाणार आहे. त्यासाठी मागासवर्ग आयोग आणि 40 हजार कर्मचारी तीन शिफ्टमध्ये काम करत आहेत. कुणबी नोंदी सापडल्यावर ते प्रमाणपत्र देण्याच कामदेखील सुरू आहे, त्यामुळे मनोज जरांगे आणि मराठा आंदोलकांनी सरकारला सहकार्य करण्याचं आवाहन मुख्यमंत्री एकनाथ शिंदे यांनी केलं.

महाबळेश्वर तालुक्यातील दरे येथे यात्रेनिमित्त मुख्यमंत्री एकनाथ शिंदे यांनी उत्तेश्वर देवाचं दर्शन घेतलं. यावेळी त्यांनी देवाकडे राज्यावरचं, बळीराजावरचं संकट दूर होवो. राज्यातील प्रत्येक घटकात चांगले आनंदाचे दिवस येवोत, सर्वत्र शांतता नांदावी असं साकडं घातल्याचं त्यांनी सांगितलं.

जरांगे पाटील यांच्यासोबत सातत्याने ज्या चर्चा होतायेत त्यासाठी सरकार सकारात्मक आहे. मराठा आरक्षणाबाबत सरकार आकडता हात घेणार नाही. आरक्षण देण्यावर ठाम आहे. जरांगेना आवाहन केले आहे सरकार जर सकारात्मक नसेल तर आंदोलन ठिक आहे. सरकार सकारात्मक असेल तर त्यांना सहकार्य करण्याची गरज आहे. सर्व मराठा बांधवांनाही सरकार्य करण्याचं आवाहन करत असल्याचं ते म्हणाले. तसेच डिव्हिजनल अधिकारी त्यांच्या संपर्कात असल्याचंही त्यांनी सांगितलं.  

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जरांगें आंदोलनावर ठाम

मराठा आंदोलक मनोज जरांगे यांच्या आंदोलनाला मुंबईत पोलिसांनी परवानगी नाकारली आहे. पोलिसांनी परवानगी नाकारणारी नोटीस जरांगे यांना पाठवली आहे. आज गुरुवारी मनोज जरांगे आणि सरकारच्या शिष्टमंडळाची बैठक निष्फळ ठरली. मात्र, त्यानंतर मनोज जरांगे मुंबईच्या दिशेने जाण्यावर ठाम असल्याची भूमिका स्पष्ट केली आहे.

मनोज जरांगे यांनी मराठा आरक्षणासाठी मुंबईत उपोषण करणार आहे. त्यासाठी त्यांची पदयात्रा जालन्याहून मुंबईकडे निघाली आहे. मनोज जरांगे यांच्या सोबत मोठ्या संख्येने लोक पुण्यापर्यंत पोहोचले आहेत. मात्र, हायकोर्टाच्या आदेशानंतर मुंबई पोलिसांनी मनोज जरांगे यांना मुंबई न येण्यासाठी नोटीस पाठवली आहे.