अक्षय गवळी, साम प्रतिनिधी

अकोल्यात आज पुन्हा एकदा मुख्यमंत्री देवेंद्र फडणवीसांनी लाडक्या बहिणींना साद घातलीय. आपण मुख्यमंत्री असेपर्यंत कुणीही 'लाडकी बहीण योजना' बंद करू शकणार नसल्याचा पुनूरूच्चार त्यांनी केलाय.‌ आज देवेंद्र फडणवीस अकोल्यात भाजप आणि अजित पवारांच्या राष्ट्रवादीच्या युतीच्या प्रचार सभेला आले होतेय. अकोल्यातील क्रिकेट क्लब मैदानावर त्यांची सभा झाली. यावेळी त्यांनी लाडकी बहिणी योजना आणि छोट्या महापालिकांबाबत मोठं विधान केलं.

राज्य सरकारची महत्त्वकांक्षी योजना लाडकी बहीण योजनेवरून विरोधक सरकारवर टीका करतात. सरकारच्या तिजोरीत पैसे नाहीत, लवकरच ही योजना बंद होणार असा दावा विरोधकांकडून केला जातो. त्यावर आज मुख्यमंत्र्यांनी पुन्हा एकदा ग्वाही देत महिलांना आश्वसत केलं.

दरम्यान, देवेंद्र फडणवीसांनी राज्यातील लहान महापालिकांबाबत मोठी घोषणा केलीय. यापुढे राज्य सरकारच्या विकास योजनांमधील लहान महापालिकांचा ३० टक्के वाटा राज्य सरकार भरेल, असं त्यांनी जाहीर सभेत जाहीर केल. त्यामुळे अनेक विकास योजनांमध्ये आर्थिक परिस्थिती नसल्यामुळे विकास वाटा भरू न शकणाऱ्या महापालिकांचा यामध्ये फायदा होणार आहे.

महाराष्ट्र देशातील दुसऱ्या क्रमांकाचं नागरीकरण झालेले राज्य आहे. शहरी भागातील राहणाऱ्या लोकांच्या जीवनावर परिणाम करणारी ही निवडणूक आहे. आधीच्या राज्यकर्त्यांनी शहरांकडे दुर्लक्ष केल्याने आजही नागरी सुविधांची उणिवा जाणवत आहेत. दरम्यान २०१४ मध्ये मोदींचं सरकार आल्यापासून बदल सुरू झालाय. मोदींनी शहरांसाठी योजना सुरू केल्या. शहरांना करोडो रुपये देत नव नव्या योजना आणल्या.