अफजलखानचा कोथळा बाहेर काढण्यासाठी छत्रपती शिवाजी महाराजांनी जी वाघ नखं वापरली ती वाघ नखं जुलैमध्ये भारतात आणली जाणार आहेत. इंग्लंडहून आणली जाणारी वाघ नखं सातारा येथील छत्रपती शिवाजी महाराज संग्रहालय येथे नागरिकांना पाहता येणार आहेत.

इतिहासाच्या अनेक शिवकालीन घडामोडी सातारा जिल्ह्यात घडल्या. यामध्ये अनेक इतिहासातील छत्रपती शिवाजी महाराजांच्या काळातील दुर्मिळ वस्तू साताऱ्यातील छत्रपती शिवाजी महाराज संग्रहालयात ठेवण्यात येणार आहेत. याचे काम अंतिम टप्प्यात आहे

विशेष म्हणजे छत्रपती शिवाजी महाराज यांनी ज्या वाघनखांनी अफजलखानाचा कोथळा बाहेर काढला की वाघ नखं इंग्लंडहुन प्रथमच साताऱ्यात जुलैच्या पहिल्या आठवड्यात येणार आहेत. याबाबतची माहिती छत्रपती शिवाजी महाराज संग्रहालयाचे अभिरक्षक प्रवीण शिंदे यांनी साम टीव्हीशी बाेलताना दिली. ते म्हणाले यासाठी संग्रहालयात वाघनखांचे स्वतंत्र दालन तयार करण्यात आले आहे.

Edited By : Siddharth Latkar