प्रत्येकाच्या हृदयात असलेल्या छत्रपती शिवाजी महाराजांचं मंदिर उभारण्यात आलं आहे. हे मंदिर नेमकं कुठं उभारण्यात आलंय आणि या मंदिराचं वैशिष्ट्ये काय? पाहूयात या विशेष रिपोर्टमधून.

अखंड हिंदुस्तानाचे श्रद्धास्थान असलेल्या युगप्रताप पुरंदर छत्रपती शिवाजी महाराजांच्या मंदिराचं राज्यात लोकार्पण झालं आहे. शिवछत्रपतींच्या पदस्पर्शानं पावन झालेल्या ऐतिहासिक भिंवडीच्या मराडे पाडा इथे दिड एकर जागेत महाराजांचे भव्य मंदिर उभारण्यात आलं आहे. महाराजांच्या या मंदिराची वैशिष्ट्ये पाहुयात.

मंदिराची वैशिष्ट्ये

४ मार्च २०१८ ला मंदिराचे भूमिपूजन पार पडलं.

मंदिर गडकोट किल्ल्यांसारखं दिसावं म्हणून भोवताली तटबंदी आणि बुरुज

३६ चबुतऱ्यांमध्ये शिवरायांच्या विविध इतिहासकालीन प्रसंगांचे देखावे आणि शौर्यचित्रांची तीन भाषांमध्ये माहिती

अयोध्येतील रामलल्लाची मुर्ती साकारणाऱ्या अरुणयोगी राज यांनी अखंड कृष्णशिलेतून साकारली महाराजांची सिंहासनारूढ मूर्ती

प्रौढप्रताप पुरंदर छत्रपती शिवाजी महाराजांची तिथीनुसार जयंती राज्यभरात साजरी करण्यात आली आणि हाच शुभमुहुर्त ठरवून या भव्य अशा मंदिराचे राज्याचे मुख्यमंत्री देवेंद्र फडणवीसांनी लोकार्पण केलं आहे.

भविष्यात या मंदिरातून गुरुकुल पद्धतीने शिक्षण देण्याची सुविधा, वैदिक शिक्षण आणि शस्त्र प्रशिक्षण केंद्र सुरू करण्याचा मानस आहे. स्वराज्याच्या जाणत्या राजाचं हे मंदिर फक्त दर्शनस्थळ न बनता शक्तीपीठ म्हणून समाजासाठी प्रेरणास्त्रोत बनावं हीच अपेक्षा असं देवेंद्र फडणवीस म्हणाले.