छत्रपती संभाजीनगर : छत्रपती संभाजीनगर जिल्ह्यातील वडगाव कोलाटीत येथून नात्याला काळिमा फासणारी घटना समोर आली आहे. लग्न करू देत नाही आणि जमिनीची वाटणीही करत नाही, यावरून २ मुलांनी वडिलांवर हल्ला केला. या हल्ल्यात वडील गंभीर जखमी झाले. त्यानंतर रुग्णालयात उपचार घेताना मृत्यू झाल्याची घटना घडली आहे.

मिळाळेल्या माहितीनुसार, छत्रपती संभाजीनगरच्या वाळूजमध्ये पंधरादिवसांपूर्वी वडील आणि मुलांमध्ये वाद झाला. लग्न करू देत नाही आणि जमिनीची वाटणीही करत नाही, यावरून दोन मुलांनी रागाच्या भरात वडिलांवर चाकू हल्ला केला. प्रकाश आणि पोपत वाहुल अशी दोन्ही मुलांची नावे आहेत. या हल्ल्यात मुलांचे वडील गंभीर जखमी झाले. छत्रपती संभाजीनगर जिल्ह्यातील वडगाव कोलाटीत ही घटना घडली.

जखमी वडिलांना रुग्णालयात दाखल करण्यात आले. गेल्या १५ दिवसांपासून त्यांच्यावर उपचार सुरु होते. त्यांचा आज उपचार सुरु असताना मृत्यू झाला. या प्रकरणी वाळूज एमआयडीसी पोलीस ठाण्यात दोन्ही मुलांवर गुन्हा नोंदविण्यात आला आहे. या घटनेने परिसरात खळबळ उडाली आहे.

या प्रकरणी पोलिसांनी दोघांना अटक केली आहे. संपत वाहुल हे त्यांच्या दोन्ही मुलांना लग्न करून देत नाहीत आणि जमिनीचीही वाटणी करून देत नाहीत, अशी तक्रार दोन्ही मुलांची होती.