Chhatrapati Sambhaji Nagar News:

छत्रपती संभाजीनगर येथून अपघाताची एक मोठी बातमी समोर आली आहे. या घटनेत एका बसची दुचाकीला जोरदार धडक झालीये. या धडकेत दुचाकी ३० फुटांपर्यंत फरपटत गेली. या घटनेत दुचाकीस्वाराचा जागीच मृत्यू झाला आहे. (Latest Accident News)

याबाबत मिळालेल्या अधिक माहितीनुसार, सदर बस राज्य परिवहन महामंडळाची होती. शुक्रवारी सकाळी ९ च्या सुमारास वैजापूर तालुक्यातील खंडाळा बसस्थानकात हा अपघात झाला. अपघात झाला तेव्हा बस इतकी भरधाव वेगात होती की, दुचाकी ३० फुटांपर्यंत फरपटत गेली. यावेळी दुकीकीस्वार देखील फरपटत गेला अन् त्याचा मृत्यू झाला.

पोलिसांनी दिलेल्या माहितीनुसार, मुक्तार रज्जाक शेख (वय ४४) असं घटनेतील मृत व्यक्तीचं नाव आहे. नाशिकहून ही बस छत्रपती संभाजीनगरकडे निघाली होती. यावेळी खंडाळा येथील सर्कलजवळ दुचाकीला बसची धडक बसली.

अपघाताची माहिती पोलिसांना मिळताच पोलिसांनी तातडीने घटनास्थळी धाव घेतली. तसेच तरुणाला रुग्णालयात दाखल केले. मात्र डॉक्टरांनी त्याला तपासून मृत घोषित केलं. या घटनेमुळे बसमधील प्रवाशी फार संतप्त झाले. त्यांनी वाहन चालकाला रस्त्यातच चोप द्यायसा सुरुवात केली. सदर घटनेबाबत पोलीस अधिक तपास करत आहेत.