Supriya Sule Being Announced As NCP Working President SAAM TV
महाराष्ट्र

Maharashtra Politics Breaking : ...म्हणून सुप्रिया सुळेंकडे शरद पवार यांनी सोपवली इतकी मोठी जबाबदारी!

Supriya Sule Being Announced As NCP Working President : राष्ट्रवादी काँग्रेसच्या कार्यकारी अध्यक्षपदी खासदार सुप्रिया सुळे यांची निवड का करण्यात आली? काय आहेत कारणे?

Nandkumar Joshi

Supriya Sule Being Announced As NCP Working President : राष्ट्रवादी काँग्रेस पक्षाच्या कार्यकारी अध्यक्षपदी खासदार सुप्रिया सुळे आणि ज्येष्ठ नेते प्रफुल्ल पटेल यांची निवड करण्यात आली आहे.

महाराष्ट्राच्या राजकारणातील सर्वात मोठी ही घडामोड आहे. सुप्रिया सुळेंकडे राज्याच्या निवडणुकांची संपूर्ण जबाबदारी दिली आहे. त्याचवेळी महाराष्ट्रासह पंजाब आणि हरयाणा या दोन राज्यांचीही जबाबदारी सोपवली आहे. शरद पवार (Sharad Pawar) यांच्याकडून सुप्रिया सुळेंकडे (Supriya Sule) इतकी मोठी जबाबदारी देण्यामागील नेमकी कारणे ज्येष्ठ नेते छगन भुजबळ यांनी सांगितली आहेत. (Breaking Marathi News)

छगन भुजबळ काय म्हणाले? वाचा!

राष्ट्रवादी काँग्रेसचे सर्वेसर्वा शरद पवार यांनी सुप्रिया सुळे यांच्याकडे महाराष्ट्रासह पंजाब आणि हरयाणाची जबाबदारी दिली आहे. याशिवाय राज्यातील निवडणुकांचीही जबाबदारी सोपवली आहे. छगन भुजबळ (Chhagan Bhujbal) यांनी त्यामागचं कारण सांगितलं आहे.

शरद पवार यांनी पूर्ण विचार करूनच या जबाबदाऱ्यांचे वाटप केले आहे. या नेत्यांनी केवळ इथे महाराष्ट्रात किंवा लोकसभेत राहून काम करणे इतके पुरेसे नाही. काही राज्यांत पक्ष वाढवण्याचे काम तुम्ही करायला हवे, असे पवार यांचे म्हणणे आहे, असे भुजबळ यांनी सांगितले.

काही राज्यांची सुप्रिया सुळे आणि काही राज्यांची प्रफुल्ल पटेल यांच्याकडे जबाबदारी दिली आहे. या दोन्ही नेत्यांच्या खांद्यावर मोठी जबाबदारी देण्यात आली आहे. कारण निवडणुका खूप जवळ आल्या आहेत. अशा परिस्थितीत पक्षाला अधिक बळकटी देण्याचे काम केले आहे, असेही छगन भुजबळ म्हणाले.

अजित पवार यांची प्रतिक्रिया

खासदार प्रफुल्ल पटेल, खासदार सुप्रिया सुळे, खासदार सुनील तटकरे, डॉ. योगनानंद शास्त्री, के. के. शर्मा, पी. पी. महोम्मद फैजल, नरेंद्र वर्मा, जितेंद्र आव्हाड, एस. आर. कोहली, नसीम सिद्दकी या सहकाऱ्यांना पक्षांतर्गत विविध महत्वाच्या जबाबदाऱ्या देण्यात आल्या आहेत. शरद पवार यांनी टाकलेला विश्वास सार्थ ठरवत दिलेल्या जबाबदाऱ्या सर्व सहकारी यशस्वीपणे पार पाडतील, असा विश्वास अजित पवार यांनी व्यक्त केला. तसेच नवनिर्वाचित नेत्यांचे अभिनंदनही केले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Rakshabandhan 2025: वास्तुशास्त्रानुसार, रक्षाबंधनाच्या दिवशी बहिणीला 'या' भेटवस्तू देऊ नका

BJP : भाजप नेत्याचा मुलाच्या कारमध्ये आढळले ड्रग्स, तरुणीसह पळून जाताना पोलिसाच्या अंगावर चढवली कार

Brain Fog: ब्रेन फॉग म्हणजे काय? कारणे कोणती?

Maharashtra Live News Update: यवतमाळच्या स्वस्तिक प्लाझामध्ये आग

Nagpur News : शाळेची सुट्टी बेतली जीवावर; खोल खड्ड्यात बुडून 2 शाळकरी मुलांचा मृत्यू , नागपुरात हळहळ

SCROLL FOR NEXT