बारामती : आमचा ऊस घेऊन जावा. आमचा ऊस (sugarcane) जळत आहे. ताे लवकर घेऊन जा अशी विनंती आणि तक्रारी सध्या सुरु आहेत. या तक्रारी करण्यापेक्षा पाण्याची (water) उपलब्धता पाहून ऊस लागवडीचे नियाेजन करावे असे आवाहन उपमुख्यमंत्री अजित पवार (ajit pawar) यांनी शेतकऱ्यांना (farmer) केले आहे. (ajit pawar latest marathi news)

बारामती (baramati) तालुक्यातील सोमेश्वर सहकारी साखर कारखाना (someshwar sugar factory) विस्तार वाढ उदघाटन मंत्री पवार यांच्या हस्ते झाले. त्यावेळी जाहीर सभेत पवार बोलत होते. ते म्हणाले उन्हाळा सुरू झाल्याने ऊस पाण्याअभावी जळू लागला आहे. त्यामुळे तोड लवकर द्यावी अशी अनेक निवेदन आली होती. यावर्षी मोठ्या प्रमाणात पाऊस झाला. धरणे, कॅनाॅल भरली. दुष्काळ असता तर मी समजू शकताे. परंतु यंदा तशी परिस्थिती नाही. त्यामुळे तक्रारी याेग्य नाहीत.

ऊस लागवडीचे नियोजन योग्यरित्या करून ताे लावला पाहिजे. विनाकारण वाढीव काम वाढवून ठेवायचे आणि नंतर ऊस जळत असल्याची तक्रार करायची हे याेग्य नाही. तुमच्याकडील विहिरीचे पाणी, ज्या पाण्यावर ऊस लावू शकता ते तपासा. माझी शेतकऱ्यांना हात जोडून विनंती आहे की पाण्याची उपलब्धता पाहून ऊस लागवड करा असे आवाहन पवार यांनी केले.

Edited By : Siddharth Latkar