अक्षय शिंदे पाटील, साम टीव्ही

जालन्याच्या जिल्हा सामान्य रुग्णालयासमोर दोन गटात तुफान दगडफेक झाल्याची घटना घडली आहे. दोन गटात दगडफेक सुरु झाल्यानंतर परिसरात एकच तणाव निर्माण झाला. रस्त्यावरील नागरिक सैरावैरा पळू लागले. या दगफेकीत वाहनांच्या काचा फुटल्या आहेत. तर काहींचे डोके फुटले आहेत. जालन्यात झालेल्या दगडफेकीत जवळपास ५ जण जखमी झाले आहेत. दगडफेकीनंतर परिसरात एकच खळबळ उडाली आहे.

मिळालेल्या माहितीनुसार, जालना जिल्हा सामान्य रुग्णालयासमोर दोन गटात तुफान दगडफेक झाली. दगडफेकीत दोन्ही गटातील जवळपास ५ जण जखमी असल्याचा प्राथमिक अंदाज आहे. दगडफेकीचं कारण अद्याप अस्पष्ट आहे. दगडफेकीनंतर जालन्यातील कदीम जालना पोलीस घटनास्थळी पोहोचले आहेत. जखमींवर जालना जिल्हा सामान्य रुग्णालयात उपचार सुरू आहेत.

जालना जिल्हा सामान्य रुग्णालयासमोर दोन गटातील दगडफेकीचं कारण अद्याप समोर येऊ शकले नाही. पोलीस घटनास्थळी पोहोचत परिस्थितीवर नियंत्रण मिळवलं. दगडफेकीत जखमी झालेल्यांना तातडीने रुग्णालयात दाखल करण्यात आले. पोलिसांकडून या प्रकरणाचा अधिक तपास केला जात आहे.

नेमकं काय घडलं?

जालना जिल्ह्यातील जिल्हा सामान्य रुग्णालयाच्या आवारात दोन गटांमधील बाचाबाचीचे रुपांतर दगडफेकीत होऊन 6 जन जखमी झाले. कुटुंबातील जुन्या वादातून आपसापसातच ही दगडफेक झाल्याची माहिती मिळाली आहे. नातेवाईकाला भेटायला आलेल्या दोन कुटुंबात जुन्या वादातून शाब्दिक चकमक उडाली. त्यानंतर मारहाण करत एकमेकांवर दगडफेक सुरू झाली. या घटनेत ६ जण जखमी झालेत. पोलीस आल्यावर इतर आरोपी फरार झाले. या घटनेत ॲम्बुलन्सची काच फुटली असून दगडफेक करणाऱ्यांवर जालन्यातील कदीम पोलिस ठाण्यामध्ये गुन्हा दाखल करण्यात येईल, अशी प्रतिक्रिया पोलिसांनी दिली आहे.