Chandrapur News, DJ, Police, Arrests, Youth, Chandrapur Crime News saam tv
महाराष्ट्र

DJ वर नाचण्यावरुन दाेन गटात झाला वाद, रामसेतू पुलावर गाठत युवकांनी त्याला संपवलं; बाबू पेठेतील पाच अटकेत

रामनगर पोलीस हत्येचा अधिक तपास करत आहेत.

संजय तुमराम

Chandrapur News : लग्नाच्या रिसेप्शनमध्ये डीजेवर नाचण्यावरून झालेल्या वादानंतर दाेन गटात तुफान मारामारी झाली. त्याचे पर्यवसन राड्यात झाले. या राड्यात गंभीर जखमी झालेल्या एकाचा रुग्णालयात मृत्यू झाला. या घटनेचे संशयित म्हणून पाच जणांना चंद्रपूर पाेलिस दलाने अटक केली आहे.  (Maharashtra News)

चंद्रपूर शहरात रामसेतू पुलानजीक एका लॉनवर आयोजित लग्नाच्या रिसेप्शनमध्ये डीजेवर नाचण्यावरून 2 गटात वाद झाला. हा कार्यक्रम संपल्यावर पाच ते सहा जणांच्या टोळक्याने रामसेतू पुलावर किशोर पिंपळकर यांच्यावर लाठ्या-काठ्यांनी हल्ला केला. यात पिंपळकर गंभीर जखमी झाले.

त्यानंतर घटनास्थळावरून संशयित पसार झाले. काही नागरिकांनी पिंपळकर यांना जिल्हा रुग्णालयात दाखल केले. त्यांच्यावर प्राथमिक उपचार केल्यानंतर त्यांना नागपूरला पुढील उपचारासाठी नेण्याचे सांगण्यात आले. मात्र उपचारादरम्यान पिंपळकर यांचा मृत्यू झाला.

पाचही युवकांना अटक

दरम्यान या प्रकरणी पोलिसांनी पाच संशयितांवर खुनाचा गुन्हा दाखल केला. त्यानंतर पाेलिसांनी पाचही युवकांचा शाेध घेत त्यांना अटक केली. या गुन्ह्यात आदित्य गुडे, रमेश कोमटी, आर्यन चव्हाण, राहुल दीपक, राज टेकाम या बाबूपेठ भागात राहणाऱ्या पाच युवकांना अटक करण्यात आली आहे अशी माहिती (chandrapur) राजेश मुळे (पोलिस निरीक्षक, रामनगर पोलीस स्टेशन) यांनी दिली. 

या गुन्ह्यात वापरलेली गाडी आणि काठ्याही पाेलिसांनी जप्त केल्या. शहरातील रामनगर पोलीस हत्येचा अधिक तपास करत आहेत.

Edited By : Siddharth Latkar

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Chandra Grahan 2025 : शेवटच्या चंद्रग्रहणाच्या सुतक काळाची वेळ काय?

Maharashtra Live News Update: फडणवीस कुटुंबीयांकडून अनंत चतुर्दशीनिमित्त पूजा

Anant Chaturdashi 2025 live updates : लालबागच्या राजाची विसर्जन मिरवणूक सुरु

Bigg Boss 19 : बिग बॉसच्या घराला कोण करणार टाटा,बाय-बाय? सलमान खानने दिला मोठा धक्का

Serious illness signs: लघवीमधून लाल रंग दिसत असेल तर सावध व्हा; 'या' गंभीर आजाराचे संकेत असू शकतात

SCROLL FOR NEXT