Chandrapur News : चंद्रपुरात मोठी दुर्घटना घडली आहे. चंद्रपूर जिल्ह्यातील बल्लारपूर रेल्वे स्थानकावर पादचारी पुलाचा स्लॅब कोसळून एका महिलेचा मृत्यू झाला आहे. रविवारी सायंकाळी ४:५५ च्या सुमारास ही घटना घडली आहे. या घटनेने चंद्रपुरात एकच खळबळ उडाली आहे. (Latest Marathi News)

मिळालेल्या माहितीनुसार, बल्लारपूर रेल्वे स्थानकावर पादचारी पुलाचा स्लॅब कोसळून ४८ वयाच्या नीलिमा रंगारी नावाच्या शिक्षिकेचा मृत्यू झाला आहे. नीलिमा या बल्लारपूर येथील रहिवासी आहेत. नीलिमा यांच्या मृत्यूने त्यांच्या कुटुंबावर दु:खाचा डोंगर कोसळली आहे.

या घटनेतील काही गंभीर जखमींना चंद्रपूर (Chandrapur) शहरातील खासगी रुग्णालयात दाखल करण्यात आले आहे. रेल्वेने सध्या गंभीर जखमीना १ लाख तर किरकोळ जखमींना ५० हजार रुपये नुकसान भरपाई जाहीर केली आहे. काही वेळात विभागीय रेल्वे व्यवस्थापक रिचा खरे बल्लारपूर रेल्वेस्थानकावर पोचणार असून परिस्थितीचा आढावा घेणार आहेत. फलाट क्रमांक 1 वरील वाहतुक पर्यायी मार्गाने वळविण्यात आली आहे. पालकमंत्री सुधीर मुनगंटीवार घटनास्थळी भेट देणार आहेत.

जखमींची नावे खालीलप्रमाणे आहेत. 

अतिदक्षता विभागातील रूग्‍ण 

1. रंजना खरतड, वय 55 वर्ष 

रूग्‍णालयातील इतर वार्डमध्‍ये भरती रूग्‍ण 

१. छाया भगत, 45 वर्ष, 12 नं, वार्ड 

२. निधी भगत, 21 वर्ष, 11 नं. वार्ड 

३.चैतन्‍य भगत, 18 वर्ष, 19 नं. वार्ड

४.साची पाटिल, 29 वर्ष, 12 नं. वार्ड

५.अंजली वर्मा, 21 वर्ष, 12 न. वार्ड 

रूग्‍णालयातून उपचार करून घरी पाठ‍वलेल्‍यांची नावे 

६. प्रिया खरतड, 28 वर्ष 

७.अनुराग खरतड, 30 वर्ष