Chandrapur News :

चंद्रपूर जिल्ह्यात एक अत्यंत दुर्दैवी घटना घडली आहे. येथील बल्लारपूर तालुक्यातल्या नांदगाव येथे एकाच कुटुंबातील तिघांचा बुडून मृत्यू झाला आहे. हे तिघेही अस्थि विसर्जन करण्यासाठी नदीत गेले होते, त्यावेळी त्यांचा बुडून मृत्यू झाला आहे.

मिळालेल्या माहितीनुसार, नांदगाव येथे पोडे कुटुंबातील घनशाम पोडे यांचे ११ नोव्हेंबर रोजी निधन झालं होतं. त्यांच्याच स्थिविसर्जनआज वर्धा - इरई संगमावर करण्यासाठी त्यांचा मुलगा आणि भाचा नदीत गेले होते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नदीचा प्रवास जास्त असल्याने हे दोघे वाहून जात असताना गोविंदा पांडुरंग पोडे यांनी नदी पात्रात उडी घेतली आणि या दोघांना वाचवण्याचा प्रयत्न करू लागेल.  (Latest Marathi News)

मात्र नदीचा प्रवास इतका अधिक होता की, तेही त्यात वाहून गेले आणि यातच तिघांचं बुडून मृत्यू झाला. गोविंदा पांडुरंग पोडे ( ४७), चेतन गोविंदा पोडे ( १६ ) आणि गणेश रवींद्र उपरे ( १७) अशी मृतांची नावे आहेत.

मृत गोविंदा पोडे हे चंद्रपूर कृषी उत्पन्न बाजार समितीचे उपसभापती आहेत. गोविदा पोडे हे बल्लारपूर पंचायत समितीचे देखील माजी सभापती होते. एकाच कंटुंबातील तिघांचा मृत्यू झाल्यामुळे पंचक्रोशित शोककळा पसरली आहे. बुडालेल्या तिघांपैकी दोघांचे मृतदेह नदीतून बाहेर काढण्यात आले आहेत. मात्र गोविंदा पोडे यांचा शोध अद्याप सुरु आहे.