Chandrapur Firing News: चंद्रपूर येथून एक मोठी बातमी समोर आली आहे. जिल्हा मध्यवर्ती सहकारी बँकेचे अध्यक्ष संतोष रावत यांच्यावर काल अज्ञात इसमांनी गोळी झाडली. या घटनेत संतोष रावत यांना कोणतीही इजा झाली नसली तरी गोळी त्यांच्या हाताला घासून गेली आहे. सदर घटनेनं परिसरात एकच खळबळ उडाली आहे. (Latest Marathi News)

गुरुवारी रात्री साडेनऊच्या सुमारास जिल्हा मध्यवर्ती सहकारी बँक, मूल शाखेच्या परिसरात ही घटना घडली. गोळीबार करणारा व्यक्ती कोण होता याची माहिती अजून मिळालेली नाही. गोळी झाडल्यानंतर तो फरार झाला आहे. संतोष रावत यांच्यावर गोळीबार का करण्यात आला? कोणत्या हेतूने करण्यात आला? कोणी केला?, असे अनेक प्रश्न उपस्थित झाले आहेत.

याप्रकरणी पोलिसात तक्रार दाखल करण्यात आली असून, पोलिसांनी तपास सुरू केलाय. शहराच्या इतिहासात पहिल्यांदाच अशी घटना घडल्याने चंद्रपूर (Chandrapur) जिल्ह्याच्या राजकीय वर्तुळात खळबळ माजली आहे.

मुंबईच्या (Mumbai) मानखुर्द येथे देखील ३० एप्रिल रोजी गोळीबाराची (Firing) मोठी घटना घडली होती. या घटनेत एका महिलेचा मृत्यू झाला. शेजारच्यांशी झालेल्या वादातून महिलेवर गोळ्या झाडून तिची हत्या करण्यात आली होती. हल्ला केल्यानंतर घटनेतील दोन्ही आरोपी फरार होते. या आरोपींना शोधण्यात पोलिसांना आता यश आलं आहे.रविवारी रत्नागिरी येथून गोळीबार करणाऱ्या सोनू सिंह (४२) आणि अतिष सिंह (२२) याना अटक केली आहे.