Chandrapur Crime News: चंद्रपूर शहरातून एक धक्कादायक घटना समोर आली आहे. चंद्रपूर शहरात प्रेम प्रकरणातून एका १७ वर्षीय तरुणाची तरुणाची हत्या झाल्याचे उघडकीस आल्याने खळबळ उडाली आहे. दोन दिवसांनी हा प्रकार समोर आला असून पोलिस या घटनेचा अधिक तपास करत आहेत. (Crime News In Marathi)

याबाबत अधिक माहिती अशी की, चंद्रपूर (Chandrapur) शहरालगतच्या पडोली भागात अनोळखी तरुणाचा मृतदेह आढळला होता. यापूर्वी विशाल पाटील नामक शहरातील नेहरू शाळेजवळ वास्तव्याला असलेला युवक बेपत्ता झाला असल्याची तक्रार शहर पोलिसात दाखल होती. याच मिसिंग तक्रारीवरुन पोलिस पथकाने अनोळखी मृतदेह आढळलेल्या जागी पोहोचून ओळख पटविली. 

ज्यानंतर गुप्त माहितीदारांच्या साहाय्याने पोलिसांनी एकूण घटनाक्रमाचा छडा लावला. यामध्ये दोन आरोपींनी विशाल पाटील याची निर्जनस्थळी नेत फावड्याने हत्या केल्याची कबुली दिली. त्यानंतर मृतदेह फ्लाय एशच्या ढिगाऱ्याखाली लपवून ठेवला. सध्या पोलिसांनी दोन्ही आरोपींना अटक केली असून घुटकाळा भागात या घटनेने तणाव निर्माण झाला होता. (Latest Marathi News)

राजगडाच्या पायथ्याशी तरुणीचा मृतदेह...

दरम्यान, काल  पुण्यातील (Pune) वेल्हा तालुक्यातील राजगड किल्ल्याच्या पायथ्याशी तरुणीचा मृतदेह आढळ्याने खळबळ उडाली आहे. दर्शना दत्तू पवार असे या मृत तरुणीच नाव असून ती नुकतीच एमपीएससी परिक्षेत पास झाली असून तिची वन परिक्षेत्र अधिकारीपदी निवड झाल्याचेही समोर आले आहे. ही तरुणी ८ दिवसांपासून बेपत्ता असल्याची तक्रार कुटूंबीयांनी दिली होती. (Crime News)