मध्य रेल्वेने प्रवाशांच्या सोयीसाठी नियमित गाड्यांच्या व्यतिरिक्त उन्हाळी विशेष गाड्या चालवत आहे. रेल्वे प्रशासनाने आधीच ३३२ उन्हाळी विशेष गाड्यांची घोषणा केली आहे. उन्हाळ्यात प्रवाशांची अतिरिक्त गर्दी लक्षात घेता मध्य रेल्वे लोकमान्य टिळक टर्मिनस, मुंबई आणि हुजूर साहेब नांदेड दरम्यान उन्हाळी विशेष गाड्यांच्या २४ अतिरिक्त सेवा चालवणार आहे. यामुळे उन्हाळी विशेष गाड्यांची एकूण संख्या आता ३५६ वर गेली आहे.

लोकमान्य टिळक टर्मिनस – हुजूर साहेब नांदेड – लोकमान्य टिळक टर्मिनस साप्ताहिक विशेष (२४ सेवा)

ट्रेन क्रमांक 01105 ही साप्ताहिक विशेष ट्रेन दिनांक ०९.०४.२०२५ ते दिनांक २५.०६.२०२५ पर्यंत दर बुधवारी लोकमान्य टिळक टर्मिनस येथून ००.५५ वाजता सुटेल आणि नांदेड येथे त्याच दिवशी १९.०० वाजता पोहोचेल.

ट्रेन क्रमांक 01106 ही साप्ताहिक विशेष ट्रेन दिनांक ०९.०४.२०२५ ते दिनांक २५.०६.२०२५ पर्यंत दर बुधवारी नांदेड येथून २०.०० वाजता सुटेल आणि लोकमान्य टिळक टर्मिनस येथे दुसऱ्या दिवशी १४.४५ वाजता पोहोचेल.

संरचना : एक प्रथम वातानुकूलित, एक द्वितीय वातानुकूलित, ५ तृतीय वातानुकूलित, ८ शयनयान, ४ सामान्य द्वितीय श्रेणी, १ सामान्य द्वितीय श्रेणीसह गार्डस ब्रेक व्हॅन, १ जनरेशन व्हॅन आणि १ पॅन्ट्री (बंद स्थितीत)

थांबे : ठाणे, कल्याण, लोणावळा, पुणे, दौंड, कुर्डुवाडी, लातूर, लातूर रोड, परळी, गंगाखेड, परभणी आणि पूर्णा.

आरक्षण : विशेष ट्रेन क्रमांक 01105 चे बुकिंग विशेष शुल्कासह दिनांक २५.०३.२०२५ रोजी सर्व संगणकीकृत आरक्षण केंद्रांवर आणि www.irctc.co.in या संकेतस्थळावर सुरू होईल.

अनारक्षित कोचसाठी तिकिटे अतिजलद मेल / एक्सप्रेस ट्रेनसाठी लागू असलेल्या सामान्य शुल्कासह यूटीएस द्वारे बुक करता येतील.

तपशीलवार वेळा आणि थांब्यांसाठी कृपया www.enquiry.indianrail.gov.in ला भेट द्या किंवा एनटीईएस ॲप डाउनलोड करा.