Karuna Sharma : शिवशक्ती सेनेच्या अध्यक्षा करुणा शर्मा (Karuna Sharma) यांच्यासह अन्य एकावर फोनवरून शिवीगाळ करत जीवे मारण्याची धमकी दिल्याने पाेलिसांनी अदखलपात्र गुन्हा (एनसी) दाखल केला आहे. बीड (beed) येथील परळी (Parli) शहर पोलीस ठाण्यात साेमवारी शर्मा यांच्या विरोधात हा गुन्हा दाखल झालेला आहे.

करुणा शर्मा यांनी साेमवारी पोलिस अधीक्षक कार्यालयात धनंजय मुंडे यांच्या एका कार्यकर्त्यावर शिवीगाळ करत धमकी दिल्याचा आरोप करीत गुन्हा दाखल करण्याची मागणी केली. त्यानंतर शर्मा यांनी पत्रकार परिषद घेऊन त्यांचे बरे वाईट झाल्यास आमदार धनंजय मुंडे (dhananjay munde) हे जबाबदार असतील असे म्हटले आहे. (Maharashtra News)

दरम्यान बालाजी दहिफळे यांच्या तक्रारीनंतर परळी पोलीसांनी शर्मा यांच्या विरोधात धमकी देत शिवीगाळ केल्याप्रकरणी तक्रार दिली. त्यानूसार करुणा शर्मांसह, अजय देडे यांच्यावर परळी पोलीस ठाण्यात (कलम 507, 34 नुसार) अदखलपात्र गुन्हा दाखल करण्यात आला आहे. माझ्याकडे शर्मा यांनी दिलेल्या धमकीचे, शिवीगाळीचे पुरावे आहेत. ते मी पोलीस (police) अधीक्षकांना देणार आहे असे बालाजी दहिफळे यांनी समाज माध्यमातून पाेस्ट करुन शर्मा यांना खुलं आव्हान दिले. (Karuna Sharma Latest Marathi News)

Edited By : Siddharth Latkar