नाशिक: भाजप आमदार राहुल ढिकलेंसह 26 जणांवर गुन्हा दाखल करण्यात आला आहे. महाविकास आघाडी सरकारच्या विरोधात आंदोलन करणं महागात चांगलच महागात पडलं आहे. जमावबंदी आदेशाचं उल्लंघन करून आंदोलनासाठी गर्दी जमवल्याप्रकरणी गुन्हा केला आहे. बुधवारी ओबीसी आरक्षणासाठी नाशिकच्या जिल्हाधिकारी कार्यालयासमोर भाजपकडून महाविकास आघाडी सरकारच्या विरोधात आंदोलन करण्यात आलं होतं. नाशिकमध्ये जमावबंदी लागू असतांनाही हे आंदोलन करण्यात आलं, यावेळी सोशल डिस्टन्सिंग, मास्कचा वापर यासह अन्य नियम पायदळी तुडवण्यात आले.

त्यामुळे भाजप आमदार राहुल ढिकले यांच्यासह 26 भाजप कार्यकर्त्यांविरोधात सरकारवाडा पोलीस ठाण्यात गुन्हा दाखल करण्यात आला आहे. दरम्यान काल चंद्रशेखर बावनकुळेंनाही पोलिसांनी ताब्यात घेतले होते. काल झालेल्या मंत्रीमंडळ बैठकीत ओबीसी आरक्षणावर मोठा निर्णय घेण्यात आला. ओबीसींना येणाऱ्या पोट निवडणूकांमध्ये आरक्षण मिळावे यासाठी अध्यादेश काढणार आहे. यामध्ये SC आणि ST च्या आरक्षणाला धक्का न लावता आरक्षण दिले जाणार असल्याचं छगन भुजबल यांनी पत्रकार परिषदेत सांगितले.

Edited By: Pravin Dhamale