- अमर घटारे

Santosh Bangar Latest Update : शिंदे गटाचे आमदार संतोष बांगर (mla santosh bangar) हल्ला प्रकरणी अंजनगाव सुर्जी येथील 15 ते 20 शिवसैनिकांवर (shivsainik) गुन्हा दाखल करण्यात आला आहे. अंजनगाव सुर्जी पोलीस ठाण्यात रात्री उशिरा पोलिसांनी गुन्हा नोंदविला आहे.

शिंदे गटाचे आमदार संतोष बांगर यांच्या गाडीवर अमरावतीत रविवारी शिवसैनिकांनी हल्ला केला. संतोष बांगर हे कुटुंबीयांसोबत देवदर्शनासाठी गेले असताना त्यांच्यावर हा हल्ला झाला आहे. हा हल्ला म्हणजे ठरवून केलेले एक षडयंत्र असल्याचे आमदार बांगर यांनी नमूद केले.

दरम्यान आमदार संतोष बांगर हल्ला प्रकरणी अंजनगाव सुर्जी येथील 15 ते 20 शिवसैनिकांवर गुन्हा दाखल केल्याची माहिती पाेलिसांनी दिली. हा गुन्हा अंजनगाव सुर्जी पोलीस ठाण्यात दाखल करण्यात आला आहे. हल्लेखोर शिवसैनिकांचा पोलिसांकडून शोध सुरू आहे. सुमोटो कारवाई करत गुन्हा दाखल केल्याची माहिती पोलीस निरीक्षक दीपक वानखडे यांनी दिली.

Edited By : Siddharth Latkar