चंद्रपूर : चंद्रपूर (chandrapur) शहराच्या मध्यवर्ती भागातील प्रसिद्ध कॅफे मद्रास (cafe madras) हॉटेलला (hotel) आज (साेमवार) सकाळच्या सुमारास माेठी आग (fire) लागली. काही वेळात आगीने रौद्ररूप घेतले. त्यामुळे आगीत या जुन्या हॉटेलचे मोठे नुकसान झाले आहे. (Chandrapur latest Marathi news)

कॅफे मद्रास हे शहरातील साउथ इंडियन नाश्त्याचे प्रसिद्ध असे ठिकाण आहे. आज सकाळी हाॅटेलमध्ये ग्राहकांची गर्दी असताना अचानक किचनच्या कुलिंग यंत्रणेतून धूर दिसू लागल्यानंतर सर्वांची पळापळ झाली.

काही वेळात आगीने रौद्ररूप घेतले. चंद्रपूर शहर मनपाच्या अग्निशमन यंत्रणेने ही आग विझविली. या हॉटेलच्या शेजारीच शाळा व मंदिर असल्याने अग्निशमन पथकाला (fire brigade) आग वाढण्याची चिंता होती. मात्र अर्ध्या तासातच आग आटोक्यात आणून अग्निशमन पथकाने अभिनंदनीय काम केले.

Edited By : Siddharth Latkar