बुलढाणा : हवामान विभागाकडून राज्यातील काही भागात मुसळधार पावसाची शक्यता (Rain Alert) वर्तविण्यात आली आहे. आज (Buldhana) सकाळपासून ढगाळ वातावरण असून दुपारच्या सुमारास मोताळा तालुक्यातील काही भागात  हजेरी लावली आहे. यामुळे पिकांचे व चाऱ्याचे नुकसान झाले आहे. (Latest Marathi News)

बुलढाणा जिल्ह्यातील मोताळा तालुक्यातील आव्हा या गाव शिवारात आज दुपारी अचानक अवकाळी पावसाने हजेरी लावली असून शिवारातील रब्बी पिकांचे प्रचंड नुकसान झाले आहे. गहू, हरबरा, ज्वारी व मका पिकाचे प्रचंड नुकसान झाले आहे. (Rain) अवकाळी पावसासोबत हवेचा जोर असल्याने शेतातील गहू पिक जमिनीवर झोपले. तसेच गुरांचा चाऱ्याचे सुद्धा नुकसान झाले असून शेतकरी (Farmer) वर्ग हवालदिल झाला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पंचनामे करून भरपाईची मागणी 
मागील काळात याच गाव शिवारात प्रचंड नुकसान झाले होते. घरांची पडझड, गुरांची हानी झाली होती. आता पुन्हा अवकाळी पावसाने झालेल्या नुकसानीचे जिल्हा प्रशासनाने तात्काळ पंचनामे करुन मदत करण्याची युवासेना उप जिल्हा प्रमुख शुभम घोंगटे यांनी मागणी केली आहे.