बुलढाणा : घराचे बांधकाम करत असताना जवळून गेलेल्या विद्युत तारांना स्पर्श झाला. यात एका बांधकाम व्यावसायिकाचा मृत्यू झाल्याची घटना (Buldhana) बुलढाणा जिल्ह्यातील जळगाव जामोद तालुक्यातील सुनगाव येथे घडली आहे.  (Tajya Batmya)

बुलढाणा जिल्ह्याच्या जळगाव जामोद (Jalgaon) तालुक्यातील सुनगाव येथे घराचे बांधकाम सुरु आहे. या घराच्या समोरून विद्युत लाईन गेली आहे. बांधकाम करत असताना बांधकाम ठेकेदार गणेश मिसाळ (वय ४२) यांचा तारेला स्पर्श झाला. (Electric Shock) तारेला स्पर्श झाल्याने मिसाळ हे फेकले गेले. या घटनेत ते गंभीर जखमी झाले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

रुग्णालयात नेले पण.. 

या दुर्घटनेत गंभीर जखमी झालेल्या गणेश मिसाळ यांना स्थानिक नागरिकांच्या मदतीने उपचारासाठी जळगाव जामोद येथील ग्रामीण रुग्णालयात नेण्यात आले होते. परंतु तेथील डॉक्टरांनी त्यांना मृत घोषित केले. या प्रकरणी जळगाव जामोद पोलिसांनी अकस्मात मृत्यूची नोंद करण्यात आली आहे.