बुलढाणा : बुलढाणा जिल्ह्यातील समृद्धी महामार्गावर झालेल्या अपघातात २५ जणांना आपला जीव गमवावा लागला आहे. ही घटना ताजी असतानाच (Buldhana) बुलढाणा जिल्ह्यातून जाणाऱ्या धावत्या ट्रॅव्हल्समध्ये मद्यपान करताना काही तरुणांचा व्हिडिओ सध्या व्हायरल होत आहे. त्यामुळे खाजगी ट्रॅव्हल्सचा प्रवास कितपत सुरक्षित आहे? असा प्रश्न या निमित्ताने उपस्थित होत आहे. (Breaking Marathi News)

अकोला जिल्ह्यातील पातुर येथून पुणेसाठी खासगी श्रेया ट्रॅव्हल्स ही नव्यानेच सुरू झाल्याची माहिती आहे. याच ट्रॅव्हल्समध्ये खामगाव ते चिखली दरम्यान चालकाच्या बाजूला केबिनमध्येच बसून चालकाचे चार ते पाच मित्र धावत्या ट्रॅव्हल्समध्ये मद्यपान करत असल्याचा व्हिडिओ एका प्रवाशाने आपल्या कॅमेरात कैद केले आहे. हा व्‍हीडीओ सध्‍या व्‍हायरल झाला आहे.

सुरक्षिततेचा प्रश्न ऐरणीवर

खासगी बस चालक देखील मद्यपान केलेल्या स्थितीतच असल्याचा अंदाज काही प्रवाशांनी व्यक्त केला आहे. त्यामुळे प्रवाशांच्या सुरक्षिततेचा प्रश्न पुन्हा एकदा ऐरणीवर आला आहे. अशा ट्रॅव्हल्स चालकासह मालकावर कारवाई करण्याची मागणी केली जात आहे.