बुलढाणा : जिल्ह्यातील शांतता कायम राहावी; यासाठी जिल्ह्याच्या पोलीस विभागाने मोठे पाऊल उचलले आहे. कायदा सुव्यवस्था बिघडणावरे संशयित 345 जणांना नोटिसा बाजावल्या आहेत अशी माहिती जिल्हा (Police) पोलीस अधिक्षक अरविंद चावरिया यांनी ‘साम टीव्ही’ला दिली आहे. (buldhana news Notice to 345 people for maintaining law and order)

राज्‍यात भोंग्‍याचा वाद सुरू आहे. मनसेचे अध्‍यक्ष राज ठाकरे यांनी ३ मेस भोंगा काढणार असा इशारा दिला होता. शिवाय अक्षय तृतीया व रमजान ईद असल्‍याने सर्वत्र गर्दी आहे. यामुळे काही अनुचित प्रकार होवू नये यासाठी दक्षता घेतली जात आहे. या दृष्‍टीने (Buldhana News) पोलिस प्रशासन देखील सज्‍ज आहे.

पोलिसांचे लक्ष

जिल्ह्यात सर्वत्र कडक पोलीस बंदोबस्त ठेवण्यात आला आहे. संवेदनशील भागावर विशेष पोलिसांचे लक्ष असून जो कोणी शांतता भंग करण्याचा प्रयत्न करेल; त्यावर कडक कारवाई केल्या जाईल अशी माहिती पोलीस अधीक्षकांनी दिली आहे.