बुलढाणा : बुलढाणा जिल्ह्याच्या खामगाव बसस्थानकावरून नाशिककडे जाणाऱ्या एसटी बसला एका कारने धडक (Accident) दिली. यानंतर कार रस्‍त्‍यावरील दुभाजकाला जावून (Buldhana) धडकली. यात चारजण गंभीर जखमी झाले आहेत. (Tajya Batmya)

बुलढाणा जिल्ह्याच्या खामगाव येथील नाशिककडे बस मार्गस्‍थ झाली होती. या दरम्‍यान समोरून भरधाव वेगाने कार येत होती. या कारने एसटी बसला धडक दिल्यानंतर अनियंत्रित झालेली कार पुन्हा रस्त्याच्या दुभाजकावर जाऊन आदळली. या अपघातात कारमधील 4 जण जखमी झाले आहेत. त्यांना खामगाव येथील उपजिल्हा सामान्य रुग्णाल्यात भरती करण्यात आले आहे.

जीवितहानी टळली

कारने बसला दिलेल्‍या धडकेमुळे झालेल्‍या अपघातात एसटीसह कारचे मोठे नुकसान झाले आहे. सुदैवाने यामध्ये कुठलीही जीवितहानी झालेली नाही. खामगाव नांदुरा रोडवरील एका वाईन बारजवळ हा अपघात झाला आहे.