संजय जाधव 
बुलढाणा : पंढरपूर यात्रेदरम्यान झालेल्या प्रकारचा अहवाल विभाग नियंत्रक यांच्याकडे न पाठवण्यासाठी (Buldhana) लाचेची मागणी केली. ही लाचेची रक्कम स्वीकारतांना आगार व्यवस्थापक व वाहकास लाच लुचपत विभागाच्या (ACB) पथकाने रंगेहाथ पकडले. (Tajya Batmya)

राज्य परिवहन महामंडळाच्या बस पंढरपूर यात्रेसाठी जाडा सोडण्यात आल्या होत्या. या दरम्यान बुलढाणा आगारातील काही बस चालक व वाहन यांनी बसमध्ये स्टोहवर स्वयंपाक केला होता. ज्याचा व्हिडिओ व्हायरल झाल्यानंतर या कर्मचाऱ्यावर (Bribe) कारवाई करण्यासाठी विभाग नियंत्रक यांच्याकडे अहवाल न पाठवण्यासाठी बुलढाणा आगार व्यवस्थापक संतोष वानेरे आणि महादेव सावरकर यांनी ३५ हजार रुपयांची मागणी केली. त्यापैकी फिर्यादीने यापूर्वी आरोपींना २८ हजार रुपये दिले आहेत. 

८ हजार स्वीकारतांना अटक 

उर्वरित रकमेसाठी त्यांना वारंवार मागणी होत असल्याची तक्रार फिर्यादीने लाचलुचपत प्रतिबंधक विभागाकडे केली. यावरून लाच लुचपत प्रतिबंधक विभागाने सापळा रचून उर्वरित आठ हजार रुपयांची लाच स्वीकारताना (MSRTC) संतोष वानेरे आणि महादेव सावरकर या एस टी महामंडळाच्या दोन लाचखोर कर्मचाऱ्यांना अटक केली आहे. कुठल्याही कार्यालयातील शासकीय काम करून देण्यासाठी अधिकारी किंवा कर्मचाऱ्याकडून लाचेची मागणी केल्यास तात्काळ लाचलुचपत प्रतिबंधक विभागाकडे तक्रार करावी; असे आवाहन लाचलुचपत प्रतिबंधक विभागाच्या पोलीस उपाधीक्षक शितल घोगरे यांनी केले आहे.