बुलढाणा : बुलढाणा जिल्ह्यातील मेहकर तालुक्यात नागेशवाडी येथे मोबाईलच्या पैशांवरून एकाची (Buldhana) हत्या करण्यात आल्याची धक्कादायक घटना उघडकीस आली आहे. अंकुश झटे असे हत्‍या (Crime News) झालेल्‍या इसमाचे नाव आहे. (Live Marathi News)

नागेशवाडी (ता. मेहकर) येथील मृतक अंकुश झटे आणि जगन्नाथ नवले यांच्यामध्ये मोबाईलच्या पैशावरून वाद झाला होता. या वादात आरोपी जगन्नाथ नवले याने लाकडी रुमण्याने मृतक अंकुश झटे याच्या डोक्यात त्याचबरोबर हाता पायावर मारहाण केली. या मारहाणीत अंकुशचा मृत्यू झाला.

मृतदेह फेकला नाल्‍यात

त्यानंतर आरोपीने मृतक अंकुशचा मृतदेह नाल्यात टाकून दिला. या घटनेची माहिती मृतकाचे वडील प्रकाश झटे यांना मिळताच त्यांनी घटनास्थळ गाठून डोनगाव पोलिसात तक्रार दिली आहे. या तक्रारीवरून आरोपी जगन्नाथ नवले याच्यावर गुन्हा दाखल करून पोलिसांनी त्याला अटक केली आहे.