संजय जाधव

Buldhana News : बुलढाणा येथून काळीज पिळवटून टाकणारी एक घटना समोर आली आहे. मुलीच्या लग्नात संपूर्ण घरात आनंद असताना या आनंदात मिठाचा खडा पडला आहे. वडील आपल्या लेकीच्या लग्नाचे आमंत्रण घेऊन घरोघरी फिरत असताना काळाने त्यांच्यावर घाला घातला आहे. (Accident News)

मोताळा तालुक्यातील कुरहा गोतमारा येथील काशीराम मंझा हे आपल्या मुलीच्या लग्नाच्या (Weeding) पत्रिका वाटून घरी परत येत असतांना त्यांना बुलढाणा - मलकापूर रोडवरील पेपर मिल जवळील वळणावर सायंकाळी ट्रक ने धडक दिली. यामध्ये काशिराम मंझा हे जागीच ठार झालेत. मृतक काशिराम मंझा यांच्या मुलीच्या लग्नाची जोरदार तयारी चालू होती. लग्न ऐन 2 दिवसावर म्हणजे 27 एप्रिलला आहे.

काशीराम मंझा मुलीच्या लग्नाच्या पत्रिका वाटून आपल्या दुचाकी वाहनाने परत येत असतांना मुर्ती फाटा दरम्यान बुलढाणाकडे जाणाऱ्या ट्रक आणि मंझा यांच्या दुचाकीची भिषण धडक झाली. यामध्ये काशीराम मंझा यांचा जागेवरच मृत्यू झाला. या घटनेने तालुक्यात हळहळ व्यक्त होत आहे.

घरात एकीकडे लग्नाची लगबग सुरू असतानाच ही दुर्दैवी घटना घडलीये. वडिलांना (Father) अशा पद्धतीने निरोप द्यावा लागेल याची या मुलीला काहीच कल्पना नव्हती. आपल्या वडिलांच्या निधनाने तिच्यावर दु:खाचा मोठा डोंगर कोसळा आहे. तसेच संपूर्ण गावात या घटनेमुळे शोककळा पसरली आहे.